PANGNGEBARANG 7:10 - KITTA' MATANGKASA'

^10-12 Anjo bainea tena nasannang nyawana ammantang ri balla'na. Sinampe'-sinampe' nia'mi sedeng ri biring aganga, nampa mange ri paranga, yareka ammenteng attayang ri panyingkulu' aganga. Gau'-gau'na tena sikali malla'na siagang tangngassengai siri'-siri'. Kuciniki assulu' ammakeang sangkamma baine sala, nampa namangei anjo lapung tau rungka sumpadeng siagang akkala' salana.

PANGNGEBARANG 7:10 ပူးပေါင်းရင်းမြစ်များ

PA'JARIANG 3:1

Ia ularaka iami kaminang cara'de' ri sikontu olo'-olo' Napareka Karaeng Allata'ala. Akkuta'nangi anjo ularaka mae ri anjo bainea angkana, “Apaka ma'nassa tena tojeng Nakellaiko Allata'ala angkanrei anne sikontu rappo-rappo niaka ri kokoa?”

2 KARAENG-KARAENG 9:22

Akkuta'nammi Yoram ri Yehu angkana, “Apaka anne kabattuannu salaku agang?” Appialimi Yehu angkana, “Antekamma olona salaku agang punna anrinni nia' ija sanro, siagang nia' ija tau anynyomba ri barhala appakkaramulaya nagaukang anjo amma'nu?”

2 KARAENG-KARAENG 9:30

Battumi Yehu mange ri Yizreel. Le'ba'namo nalangngere' Izebel anjo apa kajarianga, najangkai baji'mi uu'na nampa ammake paccalla mata, nampa attoa' naung battu ri tontonganna balla' karaenga.

PANGNGEBARANG 23:28

Angngadangi ke'nanga sanrapang paella' siagang napa'jari tau bura'nea jai a'gau' sala.

YESAYA 23:16

Angngalleko kacapi, kulilingi kotaya, he baine pagau' sala cilaka nikaluppaia! Ko'biki kacapia, akkelong mako pole, sollannu niu'rangi ammotere'.

YEREMIA 4:30

He Yerusalem, nibokoi mako na tena apa-apa akkulle nugaukang! Untu' apa nummake baju eja nanubelo-beloi kalennu siagang bulaeng na pera', kammayatompa numodei matannu siagang paccalla'? Tena matu-matunna numodei kalennu, nasaba' sikamma tanrinnu taerokami mae ri kau, ba'lalo ero'mi ke'nanga angngallei nyawanu.

1 TIMOTIUS 2:9

Kukellai tongi tubai'-bainea sollanna tena nata'liwa'-liwa' dudu batena a'mode yareka ammake pakeang. Teako ta'liwa' dudu batenu ammodei uu'nu yareka ambelo-beloi kalennu siagang bulaeng yareka mutiara, yareka pakeang-pakeang ka'jalaka ballinna.