PANGNGEBARANG 6:31 - KITTA' MATANGKASA'

³¹ Siagang punna nijakkalaki, musti nabayaraki ammotere' a'lappi tuju; untu' anjo musti tappela' ngasengi sikontu barang-baranna.

PANGNGEBARANG 6:31 ပူးပေါင်းရင်းမြစ်များ

PA'JARIANG 4:15

Mingka Nakanamo Batara, “Tena. Punna nibunoko, lanibalasaki anjo tau ambunoako, iamintu tuju tau siagang anjo tau ambunoako lanibuno tongi.” Nampa Nasareimi Batara pammatei anjo Kain, sollanna punna nia' tau ambuntuluki tena nalanibuno.

AYUB 20:18

Sikontu passawalanna musti napoterangi; talanakasiakkai wassele' usahana.

PAMMUJI 79:12

O, Batara, Kibalasaki anjo bansa-bansa a'lappi tuju lanri sikontu panghinaanna mae ri Katte.

KALAPPASSANG 21:34

anjo patanna bungung musti a'bayaraki karugiang mae ri patanna anjo olo'-oloka, mingka akkullei naalle anjo olo'-olo' mateamo untu' kalenna.

MATIUS 18:25

Tanakulleami nabayara' anjo inranna. Jari napassuroammi anjo karaenga sollanna nibalukang anjo ataya sipakkalabini siagang ana'-ana'na, kammayatompa sikontu barang-baranna, nampa nabayara' inranna.

LUKAS 19:8

Ri wattunna battumo ri balla'na Zakheus, ammentemmi nampa nakana ri Isa, “O Batara, lakupassidakkangi tawaruanna pa'barang-barangangku mae ri tu kasi-asia; namanna inai punna le'baki kutipu, lakubayaraki ammotere' sa'genna a'lappi appaka!”