PANGNGEBARANG 6:23 - KITTA' MATANGKASA'

²³ Anjo pitunju'-pitunju'na tau toanu sanrapangi lampu singaraka; pappasailena ke'nanga napicinikiangko antekamma nikanaya tallasa' baji'.

PANGNGEBARANG 6:23 ပူးပေါင်းရင်းမြစ်များ

PA'JARIANG 39:8

Mingka taerokai Yusuf. Nakanamo Yusuf ri ia, “Pammopporanga' Ibu'. Le'ba'mi napappirannuang ngaseng Potifar sikontu apa-apanna mae ri nakke. Tenamo naparallu ampikkiriki apa-apa niaka lalang ri anne ballaka.

PAMMUJI 119:105

Kana-kananTa sanrapangi sulo ri jappaku, cahaya untu' ansingari oloangku.

PAMMUJI 119:130

Punna nipakasingaraki, angngerangi singara' ajaranTa, assarei pangngassengang mae ri tau biasaya.

PAMMUJI 141:5

Punna nia' tau baji' ampakaingaka', siagang lambusuki pa'mai'na angngajarakka', iaminjo sanrapang minynya' kaminang baji' mae ri nakke. Poro tena lalo nakutollaki, saba' tulusu' appala' doangku ambaliangi kaja'dallanna ke'nanga.

PAMMUJI 19:8

Anjo hukkunNa Batara sukku' ganna'na, napakabajiki pakkasia'na nyawaya. ParentaNa Batara akkullei nipatappa' assare kacara'dekang mae ri tu biasaya.

PANGNGEBARANG 10:17

Inai anjampangi pappasailea, lasalewangangi tallasa'na, inai battala' angngakui kasalanna, niaki lalang bahaya.

PANGNGEBARANG 15:24

Tau cara'deka amminawangi ri oloang angngambika mange ri katallassanga; teai oloang naunga mae ri kamateanga.

PANGNGEBARANG 15:31

Tau manjampangia pappasaile nibilangi tau cara'de'.

PANGNGEBARANG 29:15

Pangngajaranga siagang pappasailea napa'jari taua cara'de'. Ana' tuli niturukianga ero'na lanapakasiriki amma'na.

PANGNGEBARANG 3:18

Tau manna'gala' jarreka ri kacara'dekanga lanakasiaki katallassang sitojennaya siagang mate'nea.

PANGNGEBARANG 4:13

Tuli u'rangi ajarang le'baka nutarima battu ri nakke. Jagai anjo baji'-baji', saba' lanri anjo pangngajaraka nalangngerang wassele' tallasa'nu.

PANGNGEBARANG 4:4

naajaraka' manggeku. Nakana ri nakke, “U'rangi sikamma pappakaingakku, tea' laloko kaluppai. Gaukangi pitunju'-pitunjukku, sollanna mate'ne tallasa'nu.

PANGNGEBARANG 5:12

Nampa lanukana, “Ah, angngapa nakubirisi' ri pappakaingaka? Angngapa kutaeroka nipasaile?

KATO'BA 7:26

Kupahammi angkanaya anjo bainea paikangngangi na matea. Pangngaina bainea rapang jala siagang sikko', sadiai ero' anjakkala'. Tau anggaukangai ero'Na Allata'ala, nipalili battu ri anjo sikko'na, mingka tau dorakaya mattantu laniallena.

KATO'BA 7:5

Bajikangngangi nipasailea ri tau bajika akkala'na, kala nipalecea ri tau sukkaraka ammahang.

YESAYA 8:20

Appiali mako kamma anne, “Pilangngeri ajaranNa Batara! Tau tenaya na'bicara situru' anjo pangngajaranga, tena panrannuanna.”

YEREMIA 21:8

Nampa Nasuroa' Batara akkana kamma anne ri umma'Na, “Pilangngeri! INakke, Batara, assareko kasampatang ampilei kalase'renna: oloang mangea ri katallassanga, yareka oloang mangea ri kamateanga.

YEHEZKIEL 20:11

Anjoreng Kusarei ke'nanga parenta-parentaKu siagang Kupangngajarrangi mae ri ke'nanga hukkung-hukkungKu mustia naturuki ke'nanga, nasaba' inai-nai anturuki iami latuli attallasa'.

KAIMANGNGANG 19:17

Teako pammoli'-molikangngi parannu tau, manna pole inai. Pakabajiki punna nia' passisala-salannu manna pole inai nuagang sisala-sala, sollanna tena nudoraka passabakkang tau maraeng.

2 PETRUS 1:19

Iaminjo saba'na nakipila' tappa'mo pole ri anjo biritta battua ri Allata'ala napabattua na'bi-na'bia. Teai sipato' baji'na punna nuparhatikang anjo birittaya; nasaba' anjo birittaya sanrapangi singara'na lampua lalang ri tampa' sassanga sa'genna battu bari'basaka, siagang accaya bintoeng battu rayaya lalang ri atinnu.

PAPPICINI' 2:5

Lanri kammana, u'rangi angkanaya teaimi sipato' lantanna katu'gurannu! Toba' laloko ri dosa-dosanu, siagang gaukangi ammotere' apa le'baka nugaukang ri pakaramulanna. Punna tena, labattuA' nampa Kubi'bu' ammotere' anjo bangkeng lampunnu battu ri pammantanganna.