PANGNGEBARANG 6:16 - KITTA' MATANGKASA'

^16-19 Nia' tuju passala' Nakabirisi Batara siagang tena nalaNabalang parekangi, iamintu: Sipa' borroa, bawa a'balle-balle, lima nangaia ammuno tau tena salanna, pikkirang a'rancanaya apa-apa ja'dala', bangkeng akkaro-karoa mange ri kaja'dallanga, sa'bi tulusu' a'balle-ballea, siagang tau appa'niaka passimusuang mae ri aganna.

PANGNGEBARANG 6:16 ပူးပေါင်းရင်းမြစ်များ

2 KARAENG-KARAENG 21:16

Pantaranganna a'gau' dosana tu Yehuda mae ri Batara lanri anynyombana barhala, Manasye sanna' todong jaina tau tena salana nabuno sa'genna tassolommo ceraka ri kere-keremae ri Yerusalem.

AYUB 5:19

Punna a'reppese' bahayaya, tuli Napasalamakko.

PAMMUJI 11:5

Naso'ri Batara tu bajika siagang tu ja'dalaka, Nakabirisi tu nangaia katerassanga.

PAMMUJI 5:7

Kipossoki tu nangaia a'balle-balle, Kicini' irawai patipua siagang pabuno-bunoa.

PANGNGEBARANG 11:1

Nakabirisi Batara tau ammakea timbangang jekkong, mingka sannangi nyawaNa mae ri tau ammakea timbangang annaba.

PANGNGEBARANG 11:20

Nakabirisi Batara tau ja'dalaka pa'mai'na, mingka Nakamaseangi tau tenaya callanna tallasa'na.

PANGNGEBARANG 12:22

Birisiki Batara mae ri tau paballe-ballea; mingka sannangi mae ri tau lambusuka.

PANGNGEBARANG 17:15

Nakabirisi Batara tau ampattojengai tau dorakaya, siagang nabilang sala tau tenaya nasala.

PANGNGEBARANG 20:10

Timbangang siagang ukkurang jekkonga taNangaiyai Batara.

PANGNGEBARANG 20:23

Timbangang siagang batu timbangang jekkonga taNangaiyai Batara.

PANGNGEBARANG 21:4

Anjo tau ja'dalaka dorakai, lanri nikoasai ri katampoanna siagang kaborroanna.

PANGNGEBARANG 3:32

Saba', anjo Batara Nakabirisi tau a'gau' ja'dalaka, mingka agang jarreki siagang tau lambusuka lalang tallasa'na.

PANGNGEBARANG 30:18

Nia' appa' passala' sukkara' sikali kupahang:

PANGNGEBARANG 30:21

Nia' appa' passala' sukkara' nitarima ri sikontu linoa:

PANGNGEBARANG 30:24

Ri linoa anne nia' appa' rupanna olo'-olo' ca'di mingka sanna' cara'de'na, iamintu:

PANGNGEBARANG 30:29

Nia' appa' passala' appakalannasaki punna niparhatikangi batena a'jappa, iamintu:

PANGNGEBARANG 6:15

Yangasenna anjo la'jari passabakkang nanituju kalenna ri bala ti'ring battua, nampa ancuru' taba sikali.

PANGNGEBARANG 8:13

Punna nipakala'biri' Batara, battuanna nikabirisi kaja'dallanga; takungaiyai kaborroanga siagang katampoanga. Kukabirisi gau'-gau' ja'dalaka siagang kana-kana annipua.

YEREMIA 26:15

Mingka u'rangi, punna nubunoa', ikau ngaseng siagang pandudu'na anne kotaya lantanggongi kasalang pammunoanga ri tau tenaya salana. Nasaba', Batara assuroa' untu' ampabattui anjo pappakaingaka mae ri kau ngaseng.”

AMOS 1:11

Nakana Batara, “Pandudu'na Edom a'mole-molei doraka, lanri kammana anjo ma'nassa laKuhukkungi ke'nanga. Tena pangngamaseanna ke'nanga na nabunduki tu Israel, sari'battanna ngaseng ke'nanga. Tulusu' larrona ke'nanga, siagang tulusu' napari pa'mai'na kalarroanna.

AMOS 1:3

Nakana Batara, “Pandudu'na Damsyik a'mole-molemi doraka, lanri kammana anjo ma'nassa laKuhukkungi ke'nanga. Sanna' palla'na panggaukanna ke'nanga mae ri tu Gilead,

AMOS 1:6

Nakana Batara, “Pandudu'na Gaza a'mole-molei doraka, lanri kammana anjo ma'nassa laKuhukkungi ke'nanga. Le'baki naengka' ke'nanga se'rea bansa mange ri pammelakkanga, nampa nabalukang salaku ata mae ri tu Edom.

AMOS 1:9

Nakana Batara, “Pandudu'na Tirus a'mole-molei doraka, lanri kammana anjo ma'nassa laKuhukkungi ke'nanga. Le'baki naengka' ke'nanga se'rea bansa mange ri pammelakkanga, nampa napassareang mae ri Edom; nadakkai ke'nanga parjanjiang passari'battanganna.

AMOS 2:1

Nakana Batara, “Pandudu'na Moab a'mole-molei doraka, lanri kammana anjo ma'nassa laKuhukkungi ke'nanga. Nahinai ke'nanga Karaeng Edom anjo mateamo, iamintu nabongkaraki jera'na siagang naallei buku-bukunna nampa natunu a'jari au.

AMOS 2:4

Nakana Batara, “Tu Yehuda a'mole-molei doraka, lanri kammana anjo ma'nassa laKuhukkungi ke'nanga. Nadakkai ke'nanga parenta-parentaKu siagang tanajampangiai ajarang-ajarangKu. Nipa'lingui ke'nanga ri rewata-rewata maraenga nasombaya boe-boena ke'nanga.

AMOS 2:6

Nakana Batara, “Tu Israel a'mole-molei doraka, lanri kammana anjo ma'nassa laKuhukkungi ke'nanga. Tau lambusu' tenaya nakkulle ambayaraki inranna, nabalukangi ke'nanga a'jari ata. Kammatommi anjo panggaukanna mae ri tu kasi-asia tenaya nakkulle ambayaraki inranna, manna pole naanjo inranna anggarang sipammalli sandala'ji bawang.

ZAKHARIA 8:17

Teako appareki rancana ja'dala' mae ri parannu tau. Teako appasuluki sumpa a'balle-balle. INakke birisikka' mae ri balle-ballea siagang mae ri tenaya naadele' kammayatompa ri katerassanga.”

PAOLE 23:18

Kammayatompa anjo doe' nagappaya battu ri panggaukang bawanna, takkulleai nierang mae ri Balla'Na Karaeng Allata'alanu untu' pa'bayara' tinja', nasaba' tanangaiyai Karaeng Allata'alanu pagau' bawanga ri balla'-balla' panynyombanga mae ri rewataya siagang tena todong nangai wassele' gau' bawanga.

PAOLE 24:4

Lalang ri anjo ruaya passala', anjo bura'ne rioloa takkulleai a'bunting poleang siagang anjo bainea; musti nacini' kammai baine ra'masa'. Punna kamma nabuntinginna tonja pole, anjo panggaukang kammaya a'jari panghinaangi mae ri Karaeng Allata'alanu. Ikau takkulleako anggaukangi dosa ja'dala' kammaya anjo ri pa'rasangang Napassareanga Batara mae ri kau.”

PAOLE 25:16

Birisiki Karaeng Allata'alanu mae ri tau nangaia annipu.”

PAPPICINI' 21:27

Mingka tau anggaukangai apa appakaringi'-ringika, tau a'balle-ballea, bodona kana, sikontu apa-apa ra'masaka tena sikali nakkulle antama' anjoreng. Ia lanipa'biang antama' iamintu tau niaka bawang tattulisi' arenna lalang ri kitta'Na anjo Ana' Gimbalaka, iamintu Kitta'na Tau Attallasaka.