PANGNGEBARANG 6:15 - KITTA' MATANGKASA'

¹⁵ Yangasenna anjo la'jari passabakkang nanituju kalenna ri bala ti'ring battua, nampa ancuru' taba sikali.

PANGNGEBARANG 6:15 ပူးပေါင်းရင်းမြစ်များ

2 PATTOTTORANG 36:16

Mingka napare' karek-karenanji anjo sikamma tunisuroNa Allata'ala, siagang nakakkali na'bi-na'biNa, kammayatompa tena najampangi kana-kananNa. Kale'bakkanna sanna'mi larrona Batara mae ri ke'nanga, siagang takkulleami ke'nanga ta'lappasa' battu ri hukkunganNa Batara.

PAMMUJI 50:22

Parhatikangi, ikau ngaseng takkaluppaya mae ri Allata'ala; tutuko, gassingka Kuposso' ngasengko, na tena ampasalamakko.

PAMMUJI 55:15

Riolo sileporangki' siagang baji', biasaki' siagang assambayang ri Balla'Na Batara.

PANGNGEBARANG 1:26

Lanri kammana, punna cilakako, lakukakkaliko. Punna nabattuiko malla', lakucau-cauko.

PANGNGEBARANG 1:27

Ba, lakucau-cauko punna lussakko siagang sessako lanri nitujuko ri bala ia battua sanrapang anging lompo.

PANGNGEBARANG 14:32

Tau ja'dalaka panraki lanri kaja'dallanna, tau bajika nijagai lanri kalambusanna.

PANGNGEBARANG 24:16

Saba', manna pole a'mole-mole tu'guru' tau lambusuka, tuli lambangung poleangi nai'. Mingka kabalekanna, tau ja'dalaka laancuruki nituju ri bala lompo.

PANGNGEBARANG 24:22

Tau kammaya anjo akkullei ancuru' lalang sipakkida mata, lanri anjo bala Napa'niaka Allata'ala yareka karaenga teai parkara ca'di-ca'di.

PANGNGEBARANG 29:1

Inai tulusu' tappilangngeria nipakainga', lapanraki ri se'reang wattu, na takkullea nipakabaji' poleang.

PANGNGEBARANG 6:16

Nia' tuju passala' Nakabirisi Batara siagang tena nalaNabalang parekangi, iamintu: Sipa' borroa, bawa a'balle-balle, lima nangaia ammuno tau tena salanna, pikkirang a'rancanaya apa-apa ja'dala', bangkeng akkaro-karoa mange ri kaja'dallanga, sa'bi tulusu' a'balle-ballea, siagang tau appa'niaka passimusuang mae ri aganna.

YEREMIA 19:11

Musti kupauangi ke'nanga angkanaya akkana kammai anne Batara Kaminang Koasaya, “Anne bansaya siagang kotaya laKuancuruki sa'genna a'jari rapang bongki anjo reppeka tenayamo nakkulle nipakabaji' ammotere'. Lanitarawangi maya'-maya'na ke'nanga ri taua ri Tofet, lanri tenamo tampa' pa'jerakkang maraeng.

YEHEZKIEL 11:13

Lalang kupabattuna anjo kana-kana kammaya, ti'ring tu'guru'mi naung Pelaca nampa mate. Jari su'ju'ma' siagang akkio' angkana, “Aduh Batara Kaminang Tinggia! Apaka laKibuno ngasengi anne bansa Israel niaka tassesa?”

1 TESALONIKA 5:3

Punna nakana taua, “Amang ngasenji siagang sannang ngasenji,” iaminjo wattua nati'ring natuju ke'nanga kapanrakang na tena manna sitau akkulle ta'lappasa'. Tena nanisanna-sannai nakajariang anjo passalaka; sanrapangi pa'risi'na se'rea baine ri wattunna lanalassukang ana'na.