PANGNGEBARANG 5:21 - KITTA' MATANGKASA'

²¹ Naciniki Batara sikontu apa-apa nagaukanga rupataua. Manna kemae lampana rupataua, tuli nijannangngi ri Batara.

PANGNGEBARANG 5:21 ပူးပေါင်းရင်းမြစ်များ

2 PATTOTTORANG 16:9

Naparhatikangi Batara sikontu linoa untu' ansarei kagassingang tau majarreka tappa'na mae ri Ia. Toloko ri anjo panggaukannu; lanri kammana anjo appakkaramula kamma-kamma anne tuli lanukasiaki pa'bundukanga.”

AYUB 14:16

Nampa laKijannangngi sikontu dakka-dakkaku, mingka tenamo Kiparhatikangi dosaku.

AYUB 24:23

Allata'ala assarei tallasa' salewangang, mingka tenammarina Najannangngi.

AYUB 31:4

Mattantu Naassengi Allata'ala sikontu panggaukangku; Nacini' ngasengi sikamma dakkaku.

AYUB 34:21

Najannangngi tallasa'na rupataua, Naciniki sikontu dakkana.

PAMMUJI 11:4

Batara niaki ri Balla' matangkasa'Na, empoang kala'biranNa niaki ri suruga. Najannangngi umma' rupataua na Naasseng sikontu panggaukanna ke'nanga.

PAMMUJI 119:168

Kuturuki parentaTa siagang pitunjutTa, saba' kiciniki sikontu panggaukangku.

PAMMUJI 17:3

Punna Kiso'ri pa'maikku na Kibattu amparessa' ri wattu bangngi, laKiassemmi ati maci'nongku, kana-kanangku situruki nawa-nawangku.

PANGNGEBARANG 15:3

Naciniki Batara sikontu apa kajarianga ri sikontu tampa'; Naparhatikangi sikontu apa bajika siagang ja'dalaka.

PANGNGEBARANG 4:26

Pikkiri' baji'-bajiki rolong nampa ampanggaukangko, nalangngerang wassele' sikontu usahanu.

PANGNGEBARANG 5:6

Tena natuli ammantang ri oloang lamangea ri katallassanga; tanaassenga kalenna nammengkamo battu ri anjo oloanga.

YEREMIA 16:17

Kuciniki sikontu apa nagaukanga ke'nanga. Tena nia' kacokkoang mae ri Nakke; Kucini' ngaseng tommi dosa-dosana ke'nanga.

YEREMIA 17:10

INakke, Batara, ansalidiki atia, Kuso'ri pa'mai'na rupataua. Tunggala' taua laKubalasaki situru' panggaukanna siagang Kugauki situru' panggaukanna.”

YEREMIA 23:24

Tena manna sitau akkulle ancokkoi kalenna battu ri paccinikKu, nasaba' niakKa' ri kere-keremae, ri suruga siagang ri lino.

YEREMIA 29:23

Kammami anjo sarenna ke'nanga, lanri le'ba'na nagaukang dosa-dosa lompoa ri Israel, iamintu: a'gau' bawangi ke'nanga, siagang napakei arenNa Batara untu' ancaritai apa-apa tenaya natojeng. Anjo kammaya sisalai siagang ero'Na Batara. Naassengi apa nagaukanga ke'nanga, siagang ia KalenNa a'jari sa'bi angngewai ke'nanga. Kammami anjo le'baka Nakana Batara.”

YEREMIA 32:19

Hebaki rancana-rancanaTa, siagang appakalannasaki sikontu panggaukanTa; Kiciniki sikontu apa nagaukanga rupataua, siagang Kibalasaki ke'nanga situru' panggaukanna ke'nanga.

HOSEA 7:2

Tena le'bakai ammumba ri pikkiranna ke'nanga angkanaya laKuu'rangi ngasengi anjo sikontu kaja'dallanna ke'nanga. Mingka katongkokangi ri dosa-dosana ke'nanga sa'genna a'nassai Kucini'na.”

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.

PAPPICINI' 2:18

“Untu' mae ri malaeka'na jama'ah Tiatira, tulisiki kamma anne: Iaminne pappasang battu ri Ana'Na Allata'ala, a'rinra-rinraya matanNa sangkamma pepe', siagang accayaya bangkenNa sangkamma tambaga nitunua.

PAPPICINI' 2:23

Sikamma ana' gurunna laKubuno ngaseng tongi, sollanna nasadari ngaseng jama'aka angkanaya iNakkemi anne angngasseng ngasengi pikkiranna siagang nawa-nawanna rupataua. LaKubalasa' ngasengko situru' massing-massing panggaukannu.