PANGNGEBARANG 4:26 - KITTA' MATANGKASA'

²⁶ Pikkiri' baji'-bajiki rolong nampa ampanggaukangko, nalangngerang wassele' sikontu usahanu.

PANGNGEBARANG 4:26 ပူးပေါင်းရင်းမြစ်များ

PAMMUJI 119:5

Poro inakke siagang pa'mai' majarre' anturuki paratorang-paratoranTa.

PAMMUJI 119:59

Le'ba'mi kunawa-nawa panggaukangku, na kua'janjimo lamannuruki ri paratoranTa.

PAMMUJI 37:23

Narenrengi Batara taua ri oloang mustia naolo, Napakajarreki tau Napangngellaia ri tallasa'na.

PAMMUJI 40:2

Sa'barakka' antayangi bantuanNa Batara; nampa Naparhatikanga' siagang Napilangngeri pakkiokku.

PANGNGEBARANG 15:21

Katoloanga iami kasannangnganna tau dongoka, tau cara'deka lambusuki tallasa'na.

PANGNGEBARANG 21:29

Tau lambusuka tappaki ri kalenna; tau ja'dalaka akkapala' rupai.

PANGNGEBARANG 23:19

Pilangngeri, na'! A'jariko cara'de'. Parhatikang tojeng-tojengi batenu attallasa'.

PANGNGEBARANG 4:25

Parallui accaya rupannu lalang kalambusang pa'mai'nu; tena nuparallu a'gau' lanri nia'na ero' taccokkonu.

PANGNGEBARANG 5:21

Naciniki Batara sikontu apa-apa nagaukanga rupataua. Manna kemae lampana rupataua, tuli nijannangngi ri Batara.

PANGNGEBARANG 5:6

Tena natuli ammantang ri oloang lamangea ri katallassanga; tanaassenga kalenna nammengkamo battu ri anjo oloanga.

YEHEZKIEL 18:28

Nasadarimi sikontu panggaukanna nampa ammari anggaukangi dosaya. Lalang kammana anjo tenamo nalamate, passangalinna tuli lattallasaki.

HAGAI 1:5

Coba sai, parhatikangi pattallassannu!

HAGAI 1:7

Tena nusadara' ri kalennu angkanaya angngapai nakajariang anjo kammaya?

EFESUS 5:15

Lanri kammana, parhatikangi baji'-baji', antekamma katallassannu. Teako attallasaki sangkamma tau dongoka. Attallasakko sangkamma tau cara'de'.

EFESUS 5:17

Teako dongoki, mingka pappilajari apa Nakaerokia Batara.

1 TESALONIKA 3:13

Lanri kammana, akkullemi Napakajarre' Batara pa'mai'nu, sa'gennu matangkasa' siagang tena callannu ri dallekanNa Allata'ala Manggeta, punna battu poleang sallang Batara Isa a'rurung siagang sikontu taunNa ngaseng.

2 TESALONIKA 3:3

Mingka tamamminrayai Batara. LaNapakajarrekko siagang laNajagaiko battu ri kaja'dallanga.

IBRANI 12:13

Oloang lapparaka tuli nuolo a'jappa, sollanna tena natassala ura'na anjo bangkeng lammanu, mingka a'jari bajiki ammotere' ba'lalo.

1 PETRUS 5:10

Mingka punna le'ba' mako sessa sinampe', KalenNa Allata'ala lampa'jari sukkukko. LaNapaentengko, siagang laNasareko kagassingang kammayatompa laNapakajarrekko. Nasaba' Iami Allata'ala sannaka baji'na pa'mai'Na; Iami le'baka angkiokko untu' angkasia' tongi kala'birang mannannunganga tete ri Almasi.