PANGNGEBARANG 4:17 - KITTA' MATANGKASA'

¹⁷ Kaja'dallang siagang kapallakkanga, iami a'jari sanrapang kanrena siagang inunganna ke'nanga.

PANGNGEBARANG 4:17 ပူးပေါင်းရင်းမြစ်များ

PAMMUJI 14:4

Nakana Batara, “Tenaka nangngu'rangi anjo sikamma tu ja'dalaka? Lalang tallasa'na narampasaki ummakKu siagang tena le'bakai appala' doang mae ri Nakke.”

PANGNGEBARANG 13:2

Kana-kananna tau bajika appabattui passawallang; tau tenaya nalambusu' nangai katerassanga.

PANGNGEBARANG 20:17

Barang-barang wassele' nitipua, uru-uruna bajiki kasia'na, mingka kale'bakkanna sanrapangi batu-batu kasia'na.

PANGNGEBARANG 9:17

“Je'ne' nilukkaka te'nei kasia'na, siagang kanre nikanre cokko-cokkoa nyamangangngangi kasia'na.”

YESAYA 5:18

Cilakako kau tulusu' dorakaya!

YESAYA 5:20

Cilakako kau amputara' balekai bajika siagang kodia, singaraka siagang sassanga, te'nea siagang paika!

YEREMIA 9:4

Musti tutui taua, manna pole ri aganga tonji siagang manna sari'battang polong parruka takkulle ngaseng nipatappa'. Nasaba', sangkamma Yakub kamma tomminjo ke'nanga, massing natipui sari'battanna. Tunggala' taua a'jappai mange-mange untu' appasiara' pitina siagang balle-balle.

MIKHA 3:5

Bansaku nitipui ri na'bi-na'bi ambotoai apa bajika mae ri tau assarea doe', mingka namusui siagang nabalang parekangi tau tenaya nassare doe'. Ri na'bi-na'bi kammaya anjo, Nakana Batara,

MIKHA 6:12

Tu kalumanynyanga ri kotanu najallakkangi tu kasi-asia, siagang ikau paballe-balle ngasengko.

MIKHA 7:3

Para cara'deki a'gau' ja'dala'. Pagawea siagang hakinga appalaki doe' pacoco', siagang pamimpinga napassakangi ero'na, kammami anjo batena ke'nanga assikongkolo' ngaseng.

ZEFANYA 3:3

Sikamma tumalompona anjo kotaya rapangi singa ammarrung-marrunga sa'ranna. Sikamma hakinga rapangi serigala-serigala cipuruka; sanna' angngoana ke'nanga, sa'genna manna sipappaka buku tenamo nasesa untu' ammuko.

MATIUS 23:13

Nakanamo pole Isa, “Cilaka ngaseng mako ikau guru-guru agamaya siagang tu Farisia, lanri nungaina assara-saraia. Ikau ngasemmi anrompai taua la'jari umma'Na Allata'ala. Ikau ngasenji tea a'jari umma'Na Allata'ala, nanurompai todong tau maraenga, eroka a'jari umma'Na Allata'ala. [