PANGNGEBARANG 31:30 - KITTA' MATANGKASA'

³⁰ Tanja' ga'gaya takkulleai nipatappa', siagang kaga'ganga lalanynyaki; mingka baine mappilangngeria ri Batara siratangi anggappa pammuji.

PANGNGEBARANG 31:30 ပူးပေါင်းရင်းမြစ်များ

PANGNGEBARANG 1:7

Sollanna akkulle nigappa pangngassengang sitojennaya, uru-urua parallu niparhatikang iamintu parallui taua mappakala'biri' siagang malla' mae ri Batara. Tau toloa tena naanggaraki kacara'dekanga siagang taerokai niajara'.

PANGNGEBARANG 11:22

Kaga'ganna baine tenaya nabaji' akkala'na sanrapangi cincing bulaeng ri ka'murunna bawia.

1 PETRUS 1:24

Nia' tattulisi' lalang ri Kittaka angkanaya, “Sikontu rupataua sanrapangi ruku', sikontu kalompoanna sanrapangi bunga ruku'. Punna kalumeng rukuka, ru'rusu' tommi bunganna;

PANGNGEBARANG 8:13

Punna nipakala'biri' Batara, battuanna nikabirisi kaja'dallanga; takungaiyai kaborroanga siagang katampoanga. Kukabirisi gau'-gau' ja'dalaka siagang kana-kana annipua.

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

1 PETRUS 1:7

Matu-matunna ngaseng anjo iamintu sollanna akkulle a'butti katappakkang tojeng-tojennu mae ri Batara yareka tena. Manna bulaeng akkullea panra' niuji tonji siagang pepe'. Jari, anjo katappakkannu la'bi lompoangangi anggaranna na bulaenga; jari musti niuji tongi sollanna a'jari jarre'. Siagang lanri kammana, lanipuji mako siagang lanipakala'biri' mako, kammayatompa lanipakatinggi mako sallang ri allo kabattuanNa ammotere' Isa Almasi.

LUKAS 1:6

Ningai ri Allata'ala katallassang pakkalabinianna ke'nanga. Nasaba' tutui ke'nanga anturuki ero'Na Allata'ala siagang sikamma atorang Napassareanga Allata'ala.

PAMMUJI 147:11

Ia Nangaia Batara iamintu tau mappilangngeria, tau tuli manrannuanga ri pangngamaseanNa.

PANGNGEBARANG 6:25

Teako erokki nigoda ri kaga'ganna ke'nanga, teako takkontakki mae ri mata manynyonyo'na ke'nanga.

2 SAMUEL 14:25

Nipalecei Absalom salaku tau kaminang gammara' ri sikontu Israel. Tena tau la'bi gammarangngang naia. Battu ri pala' bangkenna sa'genna cappa' uu'na tena callanna.

YAKOBUS 1:11

Ri wattunna battu alloa nanitaba ri bambang sarrona, kalumemmi anjo rukuka sa'genna ru'rusu' bungana siagang tappela'mi kaga'ganna. Kamma tomminjo mae ri tau kalumanynyanga: laancuruki ri wattunna napajappa usahana.

KATO'BA 12:13

Le'ba' ngasenna kutimbang, iaminne bodona panggappaku. Mallakko ri Allata'ala siagang turuki sikontu parentaNa, nasaba' lanri iaminjo bawang naNapa'jari rupataua.

ROMA 2:29

Mingka ia nikanaya tu Yahudi tojeng-tojeng iamintu tu Yahudia memang todong lalang ri atinna siagang nyawana; naia nikanaya sunna' tojeng-tojeng iamintu sunna' lalanga ri atia, ia Nagaukanga RohNa Allata'ala; jari tena nalalang ri kittaka nitulisi'. Tau kammaya minjo lannarima pammuji battu ri Allata'ala; jari teai battu ri rupataua.

YEHEZKIEL 16:15

Mingka ikau nupake salai kaga'gannu kammayatompa kabaukang arennu. Attinroko siagang bura'ne sambarang niaka allalo.

KATO'BA 7:18

Liliangi anjo ruaya sumpadeng. Punna mallakki' ri Allata'ala, mattantu labajiki wasseletta.

PAMMUJI 112:1

Pujimi Batara! Mate'nei tau mappilangngeria, mangngaia ri sikamma parentaNa Batara.

PANGNGEBARANG 11:16

Baine bajika akkala'na lanipakalompoi; tau pallaka lappasse'rei kakalumanynyangngang.

PANGNGEBARANG 22:4

Tau mappilangngeria ri Batara na napakatuna kalenna, lamate'nei, kala'biangi, siagang nipakalompoi.

PANGNGEBARANG 31:29

“Nia' jai baine baji', mingka ikaumi kaminang baji' battu ri yangasenna ke'nanga.”

PANGNGEBARANG 31:31

Balasaki sikontu kabajikanna; iami baine siratanga nipakalompo ri kere-keremae!