PANGNGEBARANG 30:8 - KITTA' MATANGKASA'

⁸ Tena lalo kupaui kana-kana jekkonga siagang a'balle-ballea, siagang teaKi' lappassangia' a'jari kasi-asi yareka akkalumanynyang. Kisarea' apa kuparalluanga bawang.

PANGNGEBARANG 30:8 ပူးပေါင်းရင်းမြစ်များ

PA'JARIANG 28:20

Nampa assumpamo Yakub angkana, “Punna Natulunga' siagang Najagaia' Batara lalang ri anne pa'lampangku, siagang Nasarea' kanre siagang pakeang,

AYUB 23:12

Sikamma parentaNa tuli kuturuki, Kupinawangi ero'Na, teai ero' kalengku.

PAMMUJI 119:29

Kipakabella' battu ri oloang salaya, lanri kabajikanTa, ajarakka' hukkunTa.

PAMMUJI 119:37

Kijagaia' sollanna tena kuondangi apa tenaya matu-matunna, Kisarea' tallasa' situruka erotTa.

KALAPPASSANG 16:15

Wattunna nacini' tu Israel anjo kammaya, tanaassengai ke'nanga angkana apa anjo. Jari massing sikuta'nammi ke'nanga angkana, “Apa anjo?” Nakanamo Musa ri ke'nanga, “Iaminjo kanre Napassareanga Batara mae ri kau ngaseng.

KALAPPASSANG 16:18

Ri wattunna nalitere' ke'nanga, a'nassami angkanaya tau jaia napasse're tena nakala'biang, siagang tau sike'deka napasse're tena nakakurangang. Massing appasse'rei ke'nanga situru' siapa jaina naparalluanga.

KALAPPASSANG 16:29

U'rangi angkanaya Kusareko wattu siallo untu' ammari-mari. Iaminjo saba'na naKusareko kanre anggannaka untu' ruangallo ri makaannanna alloa. Ri makatujuna alloa yangasenna taua musti ammantangi ri balla', takkulleai assulu'.”

KALAPPASSANG 16:35

Anjo mannaya a'jari kanrena tu Israel patampulo taung ribokoanganna, sa'genna battu ke'nanga mange ri Kanaan, tampa' pammantangang situlina ke'nanga. (

PANGNGEBARANG 13:5

Tau lambusuka nakabirisi nikanaya balle-balle, gau'-gau'na tau ja'dalaka appakasiriki na nicalla.

PANGNGEBARANG 21:6

Kakalumanynyangngang nigappaya siagang tena lambusu' lintaki tappela' siagang naerangi taua mae ri kuburuka.

PANGNGEBARANG 22:8

Tau appakioroka kajekkongang lakkattoi bala; kale'bakkanna lalanynya'mi appaero'-ero' na appanggaukang.

PANGNGEBARANG 23:5

Saba', lalang sipakkida mataji nakkulle lanynya' barang-barannu, sanrapang akka'nyiki nanri'ba' nai' ri allaka sangkamma jangang-jangang rajawali.

PANGNGEBARANG 30:7

“O, Allata'ala, kupalaki ri tenanapa kumate, Kisarea' rua passalaka anne.

KATO'BA 1:2

Nakana anjo lapung Tau Assarea Pangngajarang: Yangasenna poro sia-sia siagang tena matu-matunna! Tena bua'-bua'na anjo tallasaka, tena ngaseng anggaranna.

YESAYA 5:18

Cilakako kau tulusu' dorakaya!

YESAYA 59:4

Appamajuko parkara natena passabakkanna, siagang tena naadele' batenu angngadeli. A'balle-balleko siagang apa tenaya matu-matunna nupattoang; apparekko rancana untu' ancilakai parannu tau siagang nugaukangi kaja'dallanga.

YEREMIA 37:21

Jari naparentakammi Karaeng Zedekia sollangku nitarungku ri bageang paranglakkenna balla' karaenga. Jari ammantamma' anjoreng; allo-alloku nisare roti battu ri tampa' papparekang rotia, sa'genna la'busu' ngaseng parsadiaang rotia ri anjo kotaya.

MATIUS 6:11

Kisarei ikambe anne alloa apa naparalluanga ikambe.

MATIUS 6:33

Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.

LUKAS 11:3

Kisarei allo-allo kanre naparalluanga ikambe.

YOHANES 2:8

Nampa Nakana Isa ri ke'nanga, “Kamma-kamma anne allemi sike'de' anjo je'neka, nampa nuerang mange ri pamimpinna anne passua'-suarrang pa'buntinganga.” Naerammi ke'nanga anjo je'neka mae ri pamimpinna anjo passua'-suarranga.

LAMPA-LAMPANA 14:15

“He, angngapa nanugaukang ngasengi anne kammaya? Ikambe anne tau biasa tonjaki' sangkamma ikau ngaseng! Niaki ikambe mae anrinni untu' ampabattui Kabara' Bajika mae ri kau ngaseng, sollanna nubokoi anjo apa-apa tenaya matu-matunna; na nubattu mae ri dallekanNa Allata'ala attallasaka, ampa'jariai langika siagang linoa, kammayatompa tamparanga siagang sikontu apa niaka lalang.