PANGNGEBARANG 3:35 - KITTA' MATANGKASA'

³⁵ Tau cara'deka pila' mabauki arenna, mingka tau toloa pila' nicallai.

PANGNGEBARANG 3:35 ပူးပေါင်းရင်းမြစ်များ

PAMMUJI 132:18

Tuli lasalewangangi kakaraenganna, mingka musu-musunna lanipakasiriki.”

PAMMUJI 73:24

Kirenrenga' siagang pappakainga', siagang Kitarima' lalang kala'birang sallang.

PANGNGEBARANG 12:8

Lanipuji taua situru' kacara'dekanna; nihinai taua situru' kadongokanna.

PANGNGEBARANG 13:5

Tau lambusuka nakabirisi nikanaya balle-balle, gau'-gau'na tau ja'dalaka appakasiriki na nicalla.

PANGNGEBARANG 13:8

Tau kalumanynyanga musti appasuluki doe' sollanna amang tallasa'na; mingka tau kasi-asia nipakabellai battu ri balaya.

PANGNGEBARANG 4:8

Pakalompoi kacara'dekanga, nanupakatinggi. Raka' majarreki, nalanapabattuangko kala'birang.

PANGNGEBARANG 8:5

Ikau tenayapa pangalamannu, appilajarakko ampatangi pikkirang taranga; ikau toloa, appilajarakko a'jari insa'.

LUKAS 14:9

Na punna battu anjo taua tarpassa lanasuro mako patanna pa'gaukang a'lette' ammempo nakana, ‘Kipammopporang mama' naki'lette' ammempo, nasaba' anne kaderaya le'ba'mi nipasadiang anjo toana beru battua.’ Jari tarpassa lasiri'-siri' mako, nampa a'lettekko mange ri pammempoang ri boko dudua.

1 SAMUEL 2:30

INakke, Karaeng Allata'alana Israel, riolo le'ba'Ma' a'janji angkanaya kaluarganu siagang turungannu la'jari palayang mae ri Nakke, salaku imang sa'genna satunggu-tungguna. Mingka kamma-kamma anne tenamo naKuero' ri anjo kammaya! Nasaba' inai-nai ampakala'biriKa' iami laKupakala'biri', na inai-nai anghina' iami laKuhina.