PANGNGEBARANG 3:34 - KITTA' MATANGKASA'

³⁴ Nakabirisi Batara tau tinggi langgaya, mingka Nabarakkaki tau tuna pa'maika.

PANGNGEBARANG 3:34 ပူးပေါင်းရင်းမြစ်များ

PAMMUJI 138:6

Tamaka la'biritTa, mingka tau tunaya Kiparhatikang tongi; tau borroa takkulleai accokko battu ri Katte.

PAMMUJI 18:26

O, Batara, iKatte majarre' mae ri tau majarreka siagang baji' mae ri tau bajika.

PANGNGEBARANG 1:26

Lanri kammana, punna cilakako, lakukakkaliko. Punna nabattuiko malla', lakucau-cauko.

PANGNGEBARANG 14:9

Tau dongoka tena najampangi angkanaya apaka nipammopporangi dosana yareka tena; tau bajika eroki nipammopporang dosana.

PANGNGEBARANG 16:19

Bajikangngangi tuna pa'maika natena pa'barang-barangngang, kala amminawanga ri tau borroa nanikasia' barang-barang narampasaka ke'nanga.

PANGNGEBARANG 19:29

Tau tolo tinggi langgaya mattantu laniba'ji.

PANGNGEBARANG 21:24

Tau borroa siagang tinggi langgaya nangai accalla siagang kurangajara'.

PANGNGEBARANG 9:12

Punna kacara'dekang nupatang, ikau kalennu laupa'. Mingka punna nusorongboko kacara'dekanga, ikau tonji pole napakarugi.

YESAYA 57:15

Saba' kammaminne kananNa Allata'ala Kaminang Tinggia na matangkasa', makoasaya sa'genna satunggu-tungguna, “AmmantangA' ri tampa' tinggia siagang tangkasaka, mingka ammantang tongA' ri alla'na tau tuna pa'maika siagang tau assesse' lalanga lanri dosa-dosana, untu' ampamollei sumanga'na siagang panrannuanna ke'nanga.

YAKOBUS 4:6

Mingka manna nakamma, la'bi terassangangi pangngamaseang Napassareanga Allata'ala mae ri katte na anjo cinnana roh niaka ri katte. Iaminjo saba'na na nia' todong tattulisi' lalang ri kittaka angkanaya, “Nimusui ri Allata'ala tau tampoa, mingka Nakamaseangi tau tunaya atinna.”

1 PETRUS 5:5

Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”