PANGNGEBARANG 3:33 - KITTA' MATANGKASA'

³³ Natunrai Batara balla'na tau ja'dalaka, mingka Nabarakkaki balla'na tau mannurukia mae ri Ia.

PANGNGEBARANG 3:33 ပူးပေါင်းရင်းမြစ်များ

2 SAMUEL 6:11

Tallum bulangi sallona ammantang anjoreng anjo Patti Parjanjianga, na nibarakkakimo Obed-Edom siagang kaluargana ri Batara.

AYUB 24:18

Nakanamo Zofar, “Tau ja'dalaka nianyukangi ri je'ne' a'ba, buttana nitunrai ri Allata'ala; koko anggoro'na a'jari sinoi; tenamo tau anjama anjoreng.

AYUB 31:12

Anjo dosaya ammanraki kamma pepe', sikontu apa kupatanga la'busu' ngaseng nakanre.

PAMMUJI 1:3

Tau kammaya lamanggappa wassele' ri sikontu usahana; rapangi poko' kayu ri biring binanga a'rappoi punna narapi' wattu pa'rappoang tale'baka kalumeng leko'na.

PAMMUJI 37:22

Tu nibarakkakia ri Batara lanawarisiki anjo buttaya, mingka laNabongkai tu Natunraya.

PAMMUJI 91:10

Natalanatabayako bala, balla'nu talanitujuai ri bala lompo.

PANGNGEBARANG 10:6

Tau bajika langgappai barakka'. Kapallakkanga taccokkoi ri bokona kana-kananna tau ja'dalaka.

PANGNGEBARANG 14:11

Balla' tau bajika tuli jarreki; balla' tau ja'dalaka larumbangi.

PANGNGEBARANG 15:6

Ri balla'na tau bajika jai barang-barang; kakalumanynyangnganna tau ja'dalaka lalanynyaki lanri bala.

PANGNGEBARANG 21:12

Allata'ala Kaminang Adeleka Naassengi apa kajarianga lalang ri balla'na tau dorakaya. LaNapaloposoki ke'nanga sa'genna panra'.

MALEAKHI 2:2

Pakalompoa' lalang panggaukannu. Punna taerokako ampilangngeri kanangKu, laKutunraiko. Sikontu apa nutarimaya salaku dalle' latappinrai a'jari pattunra. Sikontutojenna, sikontu anjo apa bajika le'ba'mi Kutunrai, lanri tena nujampangi parenta-parentaKu.

PAOLE 11:28

Mingka lanitunraiko punna tena numannuruki mae ri parenta-parentaNa Karaeng Allata'alanu, passangalinna ta'gilingko untu' anynyomba ri rewata-rewata maraenga ia tenaya nale'ba' nusomba.

PAOLE 7:26

Teako ammoliki patung barhala lalang balla'nu, sollanna anjo pattunra antujuai tena natuju tongko. Anjo apa kammaya musti numusui siagang musti nupakatunai, lanri nitunrai ri Batara.”

YOSUA 6:18

Takkulleako angngalle apa-apa battu ri anjo sikontu apa mustia niancuru'. Punna nuallei, lanitujui pakkemaanna Israel siagang cilaka na bala.

YOSUA 7:13

Kamma-kamma anne ambangungko nai' Yosua! Tangkasi umma' Israel siagang suroi ke'nanga ampasadiai kalenna untu' andallekang ri Nakke. Parentakangi mae ri ke'nanga sollanna sadia-sadia ammuko, saba' iNakke Karaeng Allata'alana Israel, laKupabattui anne mae ri ke'nanga angkanaya: ‘E, ikau ngaseng tu Israel! Anjo barang-barang Kuparentakanga mae ri kau sollanna nuancuruki, niaki sipa'gang ri kau. Lalang tenana nanupelaki anjo barang-baranga, tena nulattahang andallekangi musunnu!’