PANGNGEBARANG 3:24 - KITTA' MATANGKASA'

²⁴ Lamangeko attinro tamallaka pakkasia'nu, siagang labajiki tinronu sila'busu' bangngi.

PANGNGEBARANG 3:24 ပူးပေါင်းရင်းမြစ်များ

2 PATTOTTORANG 20:30

Iami anjo saba'na nakkullemo ammarenta Yosafat siagang amang, siagang nisaremi kasannangngang ri Batara sikontu pa'rasanganga.

AYUB 11:19

Tena nulamalla' mae ri musua; jai tau lappala' tulung mae ri kau.

PAMMUJI 112:8

Tena nalussa' yareka malla', lanri tappaki angkana lanibetai musunna.

PAMMUJI 127:2

Tena matu-matunna anjama battalaka a'boya dalle', ambangung bari'basa' siagang attinro lantang bangngi; saba' Napasadiai Batara untu' tau Nakamaseanga, lalang attinrona ke'nanga.

PAMMUJI 3:5

Makkioka' ri Batara; Nappiali ri nakke battu ri bulu' matangkasa'Na.

PAMMUJI 3:6

Kunra'ba naung sannang tinroku, kumbangung pole lanri niriwaku.

PAMMUJI 4:8

Kipa'jari la'bi rannu pa'maikku natau la'bi jaia kattoanna.

PAMMUJI 91:5

Tea' mako mallakki ri bahaya wattu bangngia, yareka pa'bakka ti'ring battua ri wattu allo;

PANGNGEBARANG 1:33

Mingka tau mappilangngeria ri nakke laniparakai. Laamangi lalang tallasa'na siagang tena naparallu malla'.”

PANGNGEBARANG 19:23

Pakalompoi Batara, na nuttallasa' mate'ne; lasukkuki pakkasia'nu siagang lata'lappasakko battu ri balaya.

PANGNGEBARANG 6:22

Ajarang-ajaranna ke'nanga langnguluko lalang pa'jappannu, anjagaiko ri wattu bangngi, siagang assareko pitunju' ri wattu ambangunnu.

KATO'BA 5:12

Nia' kucini' ri anne linoa sanna' appakasi'nana pa'mai': Nia' se're tau appatambung barang-barang untu' wattu kakurangang.

YESAYA 54:14

Nibangungko irate ri kaadelang, nipakabellako battu ri mallaka siagang panjallakkanga.

YEREMIA 31:26

Anjo wattua lakkanai taua, ‘Le'bakku tinro jannang, baji'mi pakkasiakku.’

YEHEZKIEL 34:15

KalengKu la'jari pakalawaki mae ri sikamma gimbalakKu siagang ampasadiangi tampa' pammari-mariang ke'nanga; iNakke, Batara Kaminang Tinggia, anne akkana.

YEHEZKIEL 34:25

LapparekKa' parjanjiang siagang ke'nanga, ampattantui kaamangnganna ke'nanga. LaKubongkai sikontu olo'-olo' sekkeka battu ri sikontu pa'rasanganga, sa'genna akkulle sikamma gimbalakKu ammantang siagang amang ri sikamma paranga siagang attinro ri romanga.

YEHEZKIEL 34:27

Poko'-pokoka la'rappoi, koko-kokoa langngerangi wassele', siagang sikontu taua lammantangi siagang amang ri butta kalenna. Punna le'ba'mo Kutappu' rante passikko'na ummakKu siagang le'ba'mi Kulappassang battu ri tau amparekai ata ke'nanga, naassemmi ke'nanga angkanaya iNakke Batara.

KAIMANGNGANG 26:6

LaKujagai kaamananna pa'rasangannu sa'gennu akkulle tinro sannang siagang tena numalla' manna pole ri nai. LaKupa'lanynyaki sikamma olo'-olo' sekkeka battu ri pa'rasangannu, siagang latenamo pa'bundukang ri pa'rasangannu.

LAMPA-LAMPANA 12:6

Ri bangngi tenanapa nalanierang Petrus andallekang ri Herodes siagang tau jaia, attinromi Petrus. Anjo wattu attinrona tassikkoki rua-rua limanna, nanijagai ri rua tantara pangawala'. Anjoreng ri pakke'bu' tarungkua, nia' todong rua pangawala' maraengang anjagai tarungkua.