PANGNGEBARANG 3:20 - KITTA' MATANGKASA'

²⁰ Lanri pangngassenganNa naNapare' sikamma kabattuanna je'neka irawa ri reppe'na buttaya nampa napalo'loro' je'ne'na kammayatompa rammanga ri langi' appatiri' je'ne' ri buttaya.

PANGNGEBARANG 3:20 ပူးပေါင်းရင်းမြစ်များ

PA'JARIANG 1:9

Nampa Nakana Allata'ala, “Kuerokangi na'lo'loro' je'ne' niaka irawanganna langika mange ri se'reang tampa', sollanna kacinikang buttaya.” Nakajariammo anjo passalaka.

PA'JARIANG 27:28

Poro Nasareko Allata'ala saliu' battu ri langi', nampa napa'jari coppong sikamma kokonnu! Poro Nasareko gandung siagang anggoro' alla'bi-la'bi!

PA'JARIANG 7:11

Ri wattunna 600 taung umuru'na Nuh, ri tanggala' sampulo antuju bulang rua, tassungke ngasemmi timbuseng je'neka irawanganna buttaya. Sikontu pakke'bu' je'neka ri langika tassungke ngasemmi,

PANGNGEBARANG 8:24

Lassu' memamma' ri tenanapa nipa'jari tamparang lompoa, ri tenanapa nammumba sikamma kabattuanna je'neka.

YEREMIA 14:22

Rewata-rewatana bansa-bansaya takkulleai appaturung bosi ri lino. Manna langika takkulle todong ampaturungi bosia siagang koasa kalenna. IKatteji bawang panrannuanna ikambe. IKatte ampa'jari ngasengi anjo sikammaya.

YO"EL 2:23

He ra'ya' Sion, rannu mako! Ma'reja-rejako nu ma'rannu-rannu! Lanri sikontu kabajikang battua ri Karaeng Allata'alanu. Ri wattu timoroka Napaturungangko bosi siganna'na. Ri wattu baraka Napaturungi bosia, kammayatompa ri wattu a'rappona rappo-rappoanga kamma riolo.

PAOLE 33:28

Jari-jarina Yakub laamangi tallasa'na, salewangang ri pa'rasangang ga'gaya alla'bi gandunga siagang je'ne' anggoroka allung battu ri langi' ambasai buttaya.