PANGNGEBARANG 28:9 - KITTA' MATANGKASA'

⁹ Punna tena numannuruki ri hukkunNa Allata'ala, latakkoa' tongi Allata'ala ri pappala' doannu.

PANGNGEBARANG 28:9 ပူးပေါင်းရင်းမြစ်များ

PAMMUJI 109:7

Boli'mi kamma niadeli siagang nipa'nyata angkana salai, siagang boli'mi kamma nikana dosa pappala' doanna.

PAMMUJI 66:18

Ebara' angkana sannanga' annawa-nawai kaja'dallanga, mattantu taerokai Batara ampilangngeria'.

PAMMUJI 94:20

Tena Kiagangngangi sikamma haking ja'dalaka, naKipake hukkunga appare' rancana ja'dala'.

PANGNGEBARANG 10:3

Batara tena Nabalang parekangi tau bajika naalle cipuru'; mingka Nahalangi tau ja'dalaka sollanna tanagappaya apa nakaerokia.

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

PANGNGEBARANG 21:13

Inai taeroka mappilangngeri ri kunrarenna tau kakuranganga, tena todong nalaniparhatikang punna appala' tulung.

PANGNGEBARANG 21:27

Tasannangngai Batara ri passarena tau dorakaya, la'biangampa punna napassareang lanri nia'na pattujuang nicallana.

YESAYA 41:24

Sikontutojenna, ikau siagang panggaukannu, anu tena apa-apa, siagang tau anynyombaya ri kau appakaringi'-ringi'ji bawang.

YEREMIA 14:12

Manna pole appuasa ke'nanga, tena Kuero' amparhatikangi pakkio'na ke'nanga appala' tulung; siagang manna pole assare ke'nanga mae ri Nakke koro'bang nitunu siagang gandung, mingka tena nalasannang nyawaKu mae ri ke'nanga. Kabalekanna, laKutumpasaki ke'nanga lanri pa'bundukang, kacipurang, siagang garring.”

YOHANES 9:31

Naniassemmo angkanaya tanipilangngeriai ri Allata'ala pappala'na tau dorakaya; iaji nipilangngeri pappala'na tau ampakala'birikai Allata'ala, siagang anggaukangai ero'Na.