PANGNGEBARANG 28:14 - KITTA' MATANGKASA'

¹⁴ Tuli pakalompoi Batara, na nulamate'ne. Punna nubaliangi, langgappako bala.

PANGNGEBARANG 28:14 ပူးပေါင်းရင်းမြစ်များ

AYUB 9:4

Allata'ala sanna' cara'de'na siagang sanna' koasana; inai akkulle attahang ambaliangi?

PAMMUJI 112:1

Pujimi Batara! Mate'nei tau mappilangngeria, mangngaia ri sikamma parentaNa Batara.

PAMMUJI 16:8

Tuli mangngu'rangia' ri Batara; niaki ri sa'ringku, Iami saba' natena kuta'lengga.

PAMMUJI 2:11

Manynyombako ri Batara numannuruki,

PAMMUJI 95:8

“Teako terassi ulunnu sangkamma boe-boenu ri Meriba, sangkamma wattunna ri Masa ke'nanga, ri parang lompoa.

KALAPPASSANG 14:23

Tu Mesirka siagang sikontu jaranna, karetana siagang tau niaka irate, angngondang tulusu'mi ampinawangi tu Israel antama' ri tangngana tamparanga.

KALAPPASSANG 7:22

Mingka nagaukang tommi kammaya anjo sikamma tucara'de'na tu Mesir, iamintu napakei pangngissenganna ke'nanga. Jari tuli kapala batuna karaenga. Kamma le'baka Napau Batara, taerokai karaenga ampilangngeri Musa siagang Harun.

KALAPPASSANG 7:23

Ba'lalo ammotere'mi mange ri balla' karaenga natena sikali najampangi manna sike'de' anjo apa kajarianga.

PANGNGEBARANG 23:17

Teako angngiri matai mae ri tau dorakaya. Tuli mannurukiko ri Allata'ala,

PANGNGEBARANG 29:1

Inai tulusu' tappilangngeria nipakainga', lapanraki ri se'reang wattu, na takkullea nipakabaji' poleang.

KATO'BA 8:12

Manna sibilangngang kaja'dallang nagaukang se'rea tu doraka, tuli attallasa'na, ba'lalo la'bui umuru'na. Bedeng, nakana taua inai mannuruki ri Allata'ala, mattantu sarro bajiki tallasa'na.

YESAYA 66:2

Sikontu linoa sangnging bate pare' limangKu, jari yangasenna anjo apa nipa'jari. Mingka ia Kungaia iamintu tau tuna pa'maika, assesse' lalanga lanri dosa-dosana, ia mallaka siagang mannurukia mae ri Nakke.

YEREMIA 32:40

LapparekKa' parjanjiang mannannungang siagang ke'nanga. Tena Kulammari a'gau' baji' mae ri ke'nanga. LaKupa'jari mallaki ke'nanga siagang mappakalompoi ri Nakke lalang sikontu nyawana sollanna tena nabella ke'nanga ri Nakke.

ROMA 11:20

Anjo kammatojengi. Mingka nanipela' ke'nanga lanri tenana natappa' ke'nanga, naikau nitarimako lanri tappa'nu. Jari lanri kammana, teako a'jari tampoi; passangalinna musti mallakko.

ROMA 2:4

Yareka nucapaki pangngamaseanNa siagang kabajikanNa kammayatompa kalompoanNa Allata'ala? Mattantu nuassengi angkanaya iaji naNapappicinikang kabajikang pa'mai'Na Allata'ala, lanri nakellainu ngaseng toba' ri dosa-dosanu.

ROMA 2:5

Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.

IBRANI 4:1

Anjo janjinNa Allata'ala napajappa iji, na laNasareki' tampa' untu' pammari-mariang Napa'janjianga. Jari paralluki' tutu sollanna tena manna sitau battu ri kau ngaseng talanggappayai anjo pammari-mariang nipa'janjianga.

1 PETRUS 1:17

Ri wattunnu appala' doang, akkio' Manggeko mae ri Allata'ala. Jari, Iami anjo Allata'ala langngadeli rupataua situru' massing panggaukanna; na tena nalammile tau. Lanri kammana, genteng ri nia'nu ija ri anne linoa, parallui nupakala'biri' Allata'ala lalang ri katallassannu.