PANGNGEBARANG 28:10 - KITTA' MATANGKASA'

¹⁰ Inai anynyonyoki tau lambusuka sollanna a'gau' ja'dala', ia kalenna latu'guru' antama' ri sikko' nitannanga. Tau ci'nonga pa'mai'na lanibarakkaki sa'genna mate'ne.

PANGNGEBARANG 28:10 ပူးပေါင်းရင်းမြစ်များ

PAMMUJI 139:24

Kicinikimi gassingka nia' kaja'dallang lalang ri kalengku, siagang kirenrenga' mae ri oloang mannannunganga.

PAMMUJI 37:11

Tau tuna pa'maika lanawarisiki anjo buttaya, na nakasia' kacoppongang alla'bia.

PAMMUJI 57:6

O, Allata'ala, Kipappicinikangi kalompoanTa ri langi', siagang kala'biranTa ri sikontu linoa.

PAMMUJI 9:15

sollangku mammuji ri Katte ri dallekanna pandudu' Yerusalem. Lakkio'-kiokka' ma'rannu-rannu lanri Kipasalamakka'.

PANGNGEBARANG 10:3

Batara tena Nabalang parekangi tau bajika naalle cipuru'; mingka Nahalangi tau ja'dalaka sollanna tanagappaya apa nakaerokia.

PANGNGEBARANG 15:6

Ri balla'na tau bajika jai barang-barang; kakalumanynyangnganna tau ja'dalaka lalanynyaki lanri bala.

PANGNGEBARANG 2:21

Nasaba', tau attallasaka situru' ero'Na Allata'ala, iamintu tau lambusuka pa'mai'na, iami ke'nanga lammantang ri pa'rasangang le'baka Napa'janjiang Batara.

PANGNGEBARANG 21:20

Tau cara'deka tuli kala'biangi siagang kalumanynyangi mingka tau toloa napa'laboangi barang-baranna.

PANGNGEBARANG 26:27

Inai ampangngekeangi kali'bong paranna tau, lata'loposoki antama' ri anjo kali'bonga. Inai appagulung batu untu' ampitujui paranna tau, kalenna lanatuju anjo batua.

PANGNGEBARANG 28:18

Tau tenaya callanna lalang tallasa'na lasalamaki. Tau a'lekko-lekkoa tallasa'na, latu'guruki.

KATO'BA 10:8

Inai angngeke kali'bong, kalenna latu'guru' antama; inai anrumbang tembo' lanitottoki ri ulara' a'racung.

MATIUS 6:33

Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.

GALATIA 2:4

manna pole nakamma nia' siapa are tau ero' ansuro passai. Anjo ke'nanga tau antama' cokko-cokko ri golonganta, assara-sarai a'jari sari'battang siagang ikatte. Antama' cokko-cokkoi ke'nanga lanri eroki nasalidiki kabebasanta ikatte tau assileoka katallassanta lalang ri Isa Almasi. Eroki ke'nanga ampoterangki' ammotere' mange ri katallassanta riolo, a'jari ata.

IBRANI 6:12

Tena kikellaiko a'jari malasa'. Mingka kikellaiko sollannu attallasa' sangkamma tau antarimayai apa Napa'janjianga Allata'ala, lanri tappa'na mae ri Ia, siagang lanri sa'bara'na attayang.

1 PETRUS 3:9

Teako pasibalasaki kaja'dallanga siagang kaja'dallang, yareka kana-kana pali'bo siagang kana-kana pali'bo; mingka pappalakkangi barakka' mae ri Allata'ala; iaminjo nupa'balassang. Nasaba' iaji naNakiokko Allata'ala kaNakellaiko sollannu akkulle annarima barakka' battu ri Ia.

PAPPICINI' 2:14

Mingka manna nakamma, nia' siapa are taKungaia ri kau ngaseng: Nia' siapa are jaina tau ri kau anturuki apa napangngajarranga Bileam. Bileam angngajaraki Balak antekamma batena antu'gurangi umma' Israel naung ri dosaya; iamintu nanyonyoki ke'nanga angkanrei kanre le'baka nipassareang mae ri barhalaya, siagang anggaukangi gau' bawanga.

1 SAMUEL 26:19

O, karaeng, kipilangngeri sai sombanna anne atanta. Ebara' angkana Batara assuroi karaengku angngewai atanta, akkullei passare koro'banga ampanaungi pangngalarroinNa mae ri atanta. Mingka ebara' angkana rupatau ansuroi karaengku, tapporo nihukkung laloi ke'nanga ri Batara! Nasaba' lanri panggaukanna anjo ke'nanga nanibongkamo atanta battu ri buttaNa Batara, siagang tarpassa musti a'lampai mange ri pa'rasangang maraeng namusti anynyomba anjoreng atanta mae ri rewata-rewata tenaya niassengi.