PANGNGEBARANG 28:1 - KITTA' MATANGKASA'

¹ Tau ja'dalaka lari nampa tena angngondangi, mingka tau lambusuka, barani sanrapang singa.

PANGNGEBARANG 28:1 ပူးပေါင်းရင်းမြစ်များ

1 KARAENG-KARAENG 1:49

Sikamma toananna Adonia a'jari malla' ngasemmi, sa'genna ammenteng ngasemmo ke'nanga nampa a'lampa, massing a'boya oloang kalenna.

2 KARAENG-KARAENG 7:15

A'lampami ke'nanga sa'genna mange ri Binanga Yordan. Ri tangngana aganga jaimi nacini' ke'nanga pakeang siagang pakkakasa' tassiara' mange-mange. Yangasenna anjo apa-apaya nipasambila kammajinjo bawang ri tu Siria ri wattunna lari ke'nanga. Ammotere'mi anjo sikamma tunisuroa nampa a'laporo' mae ri karaenga.

NEHEMIA 6:11

Mingka appialima' angkana, “Inakke anne takungaiai laria. Inakke tau biasaja', jari takkullea' antama' ri Balla'Na Batara ri Yerusalem, matea' sallang. Tena, tena nakuero'!”

AYUB 15:21

Sa'ra-sa'ra hebaka lanreppeki tolinna; ri wattu amanga battui paellaka ambakkai.

PAMMUJI 112:7

Tena namalla' annarima kabara' kodi, jarreki pa'mai'na lanri tappaki ri Batara.

PAMMUJI 53:5

Nakana Batara, “Tenaka nangngu'rangi anjo sikamma tau ja'dalaka? Lalang tallasa'na narampasaki ke'nanga apa-apanna ummakKu siagang tena le'bakai appala' doang mae ri Nakke.”

PAMMUJI 53:6

Tau ja'dalaka lasanna' malla'na, natenaja apa appakamalla', saba' Napasiaraki Allata'ala buku-bukunna tau angkatulungiako; nitolla'mi ke'nanga ri Allata'ala, jari lanubetami ke'nanga.

KALAPPASSANG 11:8

Kala'busanna nakanamo Musa, “Sikontu pagaweta labattu ngasengi mae ri nakke siagang lasu'juki ri dallekangku sollanna kubokoi anne pa'rasanganga siagang bansaku. Le'baki anjo la'lampama'.” Nampa sanna'mo larrona Musa na nabokoi karaenga.

PANGNGEBARANG 10:9

Tau lambusuka, amangi tallasa'na; tau annipua lakaassengangi.

PANGNGEBARANG 27:27

Battu ri sikamma bembenu maraenganga akkulleko anggappa dadi' untu' kalennu siagang bone balla'nu kammayatompa palayang-palayannu.

YESAYA 30:17

Sisa'bu tau lalari nasitauja musu ambakkai, siagang limaji tau ambakkaiko nulari ngasemmo. Battu ri sikontu pasukannu se're mami benteng bandera ammenteng rate ri coppo' bulu'.

YESAYA 7:2

Nalangngere'na karaeng Yehuda angkanaya antamami pasukang Siria a'jari agang ri daerana Israel, a'jari sanna'mi malla'na siagang bansana, sa'genna annekkere' rapang poko' kayu nige'gosoka ri anging.

YEREMIA 20:4

KalenNa Batara angkana, ‘Lanipa'jariko pabuno-buno ri kalennu tonji siagang mae ri agang-agannu tonji. Lanuciniki ke'nanga nibuno ri musunna ke'nanga. Sikontu tu Yehuda laKubalang parekangi nikoasai ri karaeng Babel; sipa'gang battu ri ke'nanga lanaengkaki salaku tunitahang mange ri Babel, nampa la'binna nibunoi.

KAIMANGNGANG 26:17

LaKuhukkungko, sa'gennu nibeta ri musu-musunnu siagang nikoasai ri tau angkabirisiako. La'jari teai sipato' malla'nu sa'gennu lari, manna natenaja tau angngondangko.

KAIMANGNGANG 26:36

Sikamma taunnu ia niaka ri pammelakkang ri pa'rasangang maraenga, laKupa'jari teai sipato' malla'na, sa'genna manna sa'ra leko' kayu nairi'ja bawang anging nalangngere' nalarimo napakamma malla'. Lalariko sanrapang tau niondanga lalang ri pa'bundukanga, nampa tu'gurukko manna natenaja musu ri ampi'nu.

LAMPA-LAMPANA 14:3

Iaminjo saba'na nammantammo sallo-sallo Paulus siagang Barnabas anjoreng. A'bicarami ke'nanga siagang barani ri passala'na Batara. Na Napa'buttimo Batara angkanaya ma'nassa kontutojengi anjo kabara' pangngamaseanNa; Nasaremi ke'nanga koasa anggaukangi gau'-gau' appakalannasaka.

LAMPA-LAMPANA 4:13

Lannasa' ngasemmi anggota-anggotana anjo Pangadelanga anciniki kabaranianna Petrus siagang Yohanes. La'biangampa pole nanaassennamo ke'nanga angkanaya anjo Petrus siagang Yohanes tau biasaji bawang, tutenaya sikolana. Nasadarimi ke'nanga angkanaya anjo tau ruaya ana' gurunNa Isa.

PAOLE 28:25

Punna tena numannuruki mae ri Karaeng Allata'alanu, laNalappassangko nibeta ri musu-musunnu. Lanuatoro' bajiki batenu a'bundu', mingka lalariko tassimbung-simbung. Sikontu bansa-bansaya lamalla'-malla' ngasengi anciniki cilaka antujuako.

PAOLE 28:7

Punna nibundukiko, Batara lambetai musunnu. Bajiki batena angngatoroki pa'bakkana ke'nanga, mingka lari ke'nanga nipasimbung.

1 TESALONIKA 2:2

Nuassengi angkanaya ri tenanapa nabattu ikambe mange ri kau ngaseng ri Tesalonika, le'ba'mi ikambe nisessa siagang nihina ri Filipi. Mingka manna najai tau ammusui ikambe, le'ba'mi nisare kabaraniang ikambe ri Allata'alata untu' ambirittakangi mae ri kau ngaseng Kabara' Baji' battua ri Ia.