PANGNGEBARANG 27:25 - KITTA' MATANGKASA'

²⁵ Rukuka ri paranga siagang ri monconga nibattasaki siagang nipasse'rei untu' anjo olo'-olo'nu, mingka ilalang kamma-kammana anjo attimbomi pole ruku'-ruku' berua.

PANGNGEBARANG 27:25 ပူးပေါင်းရင်းမြစ်များ

PAMMUJI 104:14

Kipattimboi ruku'-rukuka untu' kanre olo'-olo', na sangka' rupa lamung-lamung untu' rupataua. Akkullei a'lamung-lamung,

PAMMUJI 147:8

Iami ampaka'rangi rammanga' ri langi'; Ia ampasadiai bosia mae ri buttaya, siagang ampatimboi rukuka ri buluka.

PANGNGEBARANG 10:5

Tau cara'deka appa'rappungi kattoang punna narapi' wattunna, mingka tau attinroa bawang ri wattu pakkattoanga, lanapakasiriki kalenna.

PANGNGEBARANG 27:26

Battu ri bulunna sikamma gimbala'nu anggappako pakeang, siagang battu ri ballinna bembenu sipa'gang akkulleko anggappa pammali butta beru.

YESAYA 17:5

Anjo Israel lasanrapangi koko ri Refaim cappuka le'ba' nikatto gandunna, na sike'de' mamo tassesa.

YEREMIA 40:10

Ammantang mako ri kota-kota nungaia, siagang appasse're mako nummoli' anggoro', rappo-rappoang siagang minynya' zaitun. Inakke kalengku lammantanga' ri Mizpa siagang kuwakkeli ra'yaka punna battu mae anrinni tu Babel.”

YEREMIA 40:12

Lanri kammana anjo, nabokoimi tampa'-tampa' napammantangia ke'nanga nipasisa'la'-sa'la', nampa ammotere' mange ri Yehuda. Battui ke'nanga mange ri Gedalya ri Mizpa, siagang appa'rappungi ke'nanga sanna' jaina anggoro' siagang rappo-rappoang.