PANGNGEBARANG 27:23 - KITTA' MATANGKASA'

²³ Parakai baji'-bajiki olo'-olo' piaranu,

PANGNGEBARANG 27:23 ပူးပေါင်းရင်းမြစ်များ

PA'JARIANG 33:13

Nampa nakanamo Yakub, “Kiassengi angkana dodongi sikamma anne ana'-anaka. Siagang musti tutua' ri sikamma anne olo'-olo' appasusua. Punna akkaro-karoi niemba, manna nasiallo bawang, ma'nassa lamate ngasengi anne olo'-oloka.

2 PATTOTTORANG 26:10

Kammayatompa ambangungi menara-menara niaka pattahanganna ri daera paranga, siagang angngekei jai bungung, baji' ri tampa' tinggia kammayatompa ri tampa' rawaya ri bageang ilau'. Lanri naparhatikanna jama-jamang pamarria, jaimi tau napajama untu' appare' koko-koko anggoro' ri daera monconga, siagang najama buttaya ri daera-daera copponga.

KALAPPASSANG 7:23

Ba'lalo ammotere'mi mange ri balla' karaenga natena sikali najampangi manna sike'de' anjo apa kajarianga.

PANGNGEBARANG 24:27

Teako ambangungi pakkalabiniang punna tenapa nupasadiai kokonnu siagang nia'mo pa'boya-boyannu.

PANGNGEBARANG 24:32

Le'ba'na kuparhatikang siagang kunawa-nawa anjo passalaka, kugappami anne pappilajaranga:

YEREMIA 31:10

Nakana Batara, “Pilangngeri he bansa-bansaya! Pabattu pasangKu mae ri ba'leanna tamparanga: UmmakKu le'baka Kupasisa'la'-sa'la' laKupasse'rei na Kuparakai rapang pakalawaki anjagai gimbala'na.

YEHEZKIEL 34:12

sangkamma sitau pakalawaki amboyai siagang ampa'rappungi sikamma gimbala'na tassiaraka nampa naparakai ke'nanga. LaKuerangi ke'nanga ammotere' battu ri sikontu tampa'na tassiara' ri anjo allo sassanga siagang battuna balaya.

YEHEZKIEL 34:31

Tojeng, ikaumi pa'rappungang gimbalakKu Kusarea kanre. Ikaumi ummakKu, siagang iNakkemi Allata'alanu. INakke, Karaeng Allata'ala Kaminang Tinggia, anne akkana.”

YOHANES 10:3

Lanisungkeangi timunganga ri pajagana anjo baraya; siagang punna nakioki massing arenna anjo gimbalaka, lanipinawangi sa'ranna, nampa naerang ke'nanga assulu'.

PAOLE 32:46

nakanamo Musa, “Katutui sollannu mannuruki ri sikontu parenta kupassareanga mae ri kau anne alloa. Pangngajarrangi mae ri ana'-ana'nu, sollanna akkulle mannuruki ke'nanga ri sikontu hukkunNa Batara siagang pa'mai' tamamminra.

1 PETRUS 5:2

sollanna nukalawaki sikamma gimbala' Napappirannuanga Allata'ala mae ri kau ngaseng. Kalawaki ke'nanga siagang sannang pa'mai'nu, sangkamma Nakaerokanga Allata'ala. Teako battalaki pa'mai'nu angkalawaki ke'nanga. Tea tongko lanri ero'nuji anggappa passawallang nanugaukang jama-jamannu. Passangalinna lanri ero'nu attojeng-tojeng allayani.

1 SAMUEL 17:28

Eliab daenna Daud toaya nalangngereki Daud a'bicara siagang anjo taua. Sanna'mi larrona mae ri Daud na nakana, “Angngapa nubattu mae anrinni? Inaimi nusuro angngurusuki sikamma gimbalaka anjo pirang kayua ri paranga? Kuassengi, angkana ero' nikanako barani. Battuko mae kaero'nuji bawang anciniki pa'bundukanga!”