PANGNGEBARANG 27:22 - KITTA' MATANGKASA'

²² Manna pole nitunrung sarring tau toloa, talalanynyaki katoloanna.

PANGNGEBARANG 27:22 ပူးပေါင်းရင်းမြစ်များ

1 KARAENG-KARAENG 13:33

Karaeng Yerobeam tuli tena naero' ambokoi panggaukang ja'dala'na. Untu' angngurusuki anjo tampa'-tampa' sambayang le'baka napaenteng, tulusu' imang-imang battu ri kaluarga biasaya napile. Inai-nai ero', iami naangka' a'jari imang.

KALAPPASSANG 12:30

Anjo bangngia ambangung ngasemmi tu Mesir siagang karaenga kammayatompa sikamma pagawea. Nia'mo kalangngerang sa'ra karru' lompo ri sikontu pa'rasangang Mesir. Tena manna se're balla' tu Mesir takamateang ana' bura'ne bungasa'na.

KALAPPASSANG 14:5

Nalangngere'na Karaeng Mesir angkana larimi bansa Israel, assesse'lalammi siagang sikamma pagawena. Nakanamo, “Apa musti nigaukang? Angngapa nanilappassang anjo tu Israelka a'lampa sa'genna tenamo atanta?”

KALAPPASSANG 15:9

Nakana musua, ‘Lakuondangi ke'nanga nampa kujakkala', kubi'buki pa'dangku, nampa kutumpasa' ke'nanga. Nampa kurampasa' sikamma barang-baranna ke'nanga, kubage-bage siagang kukasia' baji'na sa'genna sukku' kusa'ring.’

PANGNGEBARANG 14:24

Tau cara'deka nipuji lanri kacara'dekanna; tau dongoka alla'bangi niasseng kadongokanna.

PANGNGEBARANG 23:35

Nampa lanukana, “Nia' kutadeng tau antunrunga' siagang antempa ka'ranga', mingka takkulleai kuu'rangi angkana apa kutadeng le'ba' kajariang. Dedeh, ta'do'do' dudua'! Parallua' pole angnginung!”

PANGNGEBARANG 26:11

Sanrapang kongkong angkanrei ammotere' langngena, kammaminjo tau toloa ampa'mole-molei kadongokanna.

YESAYA 1:5

Angngapa natuli nubali-baliA'? Erokko nihukkung la'bi battallangngang pole? Rassimi ulunnu puru-puru lompo, garrimmi atinnu siagang pikkirannu.

YEREMIA 13:23

Maka akkullei tau le'lenga ampinrai kalenna, yareka macanga ampelaki ballanna? Tantu tena! Kammatommi anjo ikau biasaya a'gau' ja'dala', tena olonu lakkulle anggaukangi bajika.

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

1 SAMUEL 19:21

Ri wattunna battu anjo kabaraka mange ri Saul, akkirimmi tau maraeng. Mingka amminawang tommi anjo ke'nanga a'joge'-joge' siagang akkiok-kio'. Makapintallunna akkirimmi pole Saul, mingka kamma tomminjo kajariang mae ri ke'nanga.