PANGNGEBARANG 27:12 - KITTA' MATANGKASA'

¹² Tau cara'deka a'lili punna nia' nacini' bahaya; tau toloa a'jappa tulusuki nampa nituju ri bala.

PANGNGEBARANG 27:12 ပူးပေါင်းရင်းမြစ်များ

PANGNGEBARANG 18:10

Anjo Batara sanrapangi menara kassaka; Iami namangei tau lambusuka nanggappa tampa' amang.

PANGNGEBARANG 22:3

Tau cara'deka a'lili punna accini' bahaya; tau toloa a'jappa tulusuki nampa nituju ri bala.

PANGNGEBARANG 27:11

Ana', paralluko cara'de', sollanna sannang nyawaku siagang akkulle appiali punna nicalla'.

PANGNGEBARANG 27:13

Inai ero' antanggongi inranna tau maraenga, siratangi nialle baranna untu' a'jari panynyikko' janji.

MATIUS 3:7

Jai tommi tu Farisi siagang tu Saduki battu mae ri Yohanes, ero' assuro je'neki kalenna. Mingka nacini'na Yohanes battu todong ke'nanga, nakanamo ri ke'nanga, “Ikau ngaseng tu ja'dalaka! Inai ampauangko angkanaya akkullei nuliliang hukkunganNa Allata'ala, labattua sallang mae ri kau?

IBRANI 11:7

Lanri tappa'na nanatarimamo Nuh pappakainga' Napassareanga Allata'ala mae ri ia; iamintu passala'na apa-apa lakajarianga tenaya nakkulle nacini' Nuh. Naturukimi Nuh kananNa Allata'ala. Jari appare'mi se're biseang lompo. Nama'nassa iaminjo biseang lompoa ampasalamaki kalenna siagang pole sikamma ana'na siagang tubai'-bainena. Jari nihukkummi linoa, mingka Nuh nipattojemmi ri Allata'ala nikana tau baji' lanri tappa'na.

IBRANI 6:18

Anjo ruaya passala' takkulleai lamminra; tena olona la'balle-balle Allata'ala ri janjinNa siagang sumpaNa! Lanri kammana, ikatte tau a'la'langamo irawanganNa Allata'ala, nikellaiki' anna'gala' jarre' mae ri panrannuang niaka ri dallekanta.

2 PETRUS 3:7

Mingka anne langika siagang buttaya ri kamma-kammaya anne, niparakaia todong siagang kananNa Allata'ala, laniancuru' tongi sallang siagang pepe'. Kamma-kamma anne niparakai iji langika siagang buttaya sa'genna narapi' allonna lanihukkung siagang niancuru' sikontu tau tenaya natappa' ri Allata'ala.