PANGNGEBARANG 26:4 - KITTA' MATANGKASA'

⁴ Tau ampialiai pakkuta'nanna tau dongoka, sangkammai dongo'na siagang anjo taua.

PANGNGEBARANG 26:4 ပူးပေါင်းရင်းမြစ်များ

1 KARAENG-KARAENG 12:14

Na situru' pappakainga'na anjo tau rungka-rungkaya, nakanamo, “Nasareko manggeku tanggongang battala', mingka lakupa'jari battallangngangi pole anjo tanggongannu. Nacambokko siagang paccambo', mingka inakke lakucambokko siagang paccambo' akkatintinga bassi!”

1 KARAENG-KARAENG 12:16

Nacini'na ra'yaka angkanaya tena naero' karaenga ampilangngeri pappala'na ke'nanga, ammarrammi ke'nanga angkana, “Apa paralluna nipaduli Daud siagang turunganna! Tena apa-apa le'ba' nagaukang ke'nanga untu' ikatte. Ikau ra'ya' Israel umba kimmotere'. Lappassammi anjo Rehabeam naurusu' kalenna!” Jari ammotere'mi ra'ya' Israel,

PANGNGEBARANG 17:14

Appakaramulaya pa'beserang sanrapangi anynyungke oloang je'ne'; lanri kammana anjo, ammono'boko mako ri tenanapa nappakkaramula anjo pa'beseranga.

PANGNGEBARANG 23:9

Teako appakaingaki tau tolo; tena nalanaanggara' anjo pappakainga'nu.

PANGNGEBARANG 26:5

Pakkuta'nanna tau toloa musti nipiali tongi pappiali tolo, sollanna naasseng kalenna lapung tau akkuta'nanga angkana teai tucara'de' sangkamma napikkirika ri kalenna.

PANGNGEBARANG 29:9

Punna akkara-kara tau cara'deka siagang tau toloa, anjo tau toloa a'jallo'ji bawang siagang ammakkala' sa'genna appaumba karicuang.

YESAYA 36:21

Nalangngere'na anjo, tenamo nappiali pandudu'na Yerusalem, saba' le'ba'mi niparentakang ke'nanga ri Karaeng Hizkia sollanna tena nakkana-kana ke'nanga.

MATIUS 7:6

Teako assarei barang matangkasa' mange ri kongkonga, sollanna tena na'giling ri kau ambakkaiko. Tea tongko assarei mutiara mange ri bawia, sollanna tena naonjo'-onjokangi anjo mutiaraya.”

1 PETRUS 3:9

Teako pasibalasaki kaja'dallanga siagang kaja'dallang, yareka kana-kana pali'bo siagang kana-kana pali'bo; mingka pappalakkangi barakka' mae ri Allata'ala; iaminjo nupa'balassang. Nasaba' iaji naNakiokko Allata'ala kaNakellaiko sollannu akkulle annarima barakka' battu ri Ia.

YUDAS 1:9

Manna kalenna Mikhael, iamintu kapalana malaekaka, tale'bakai a'gau' kamma anjo. Ri wattunna a'besere' siagang Billisika passabakkang inai langgappai maya'na Musa, tena nabarani Mikhael angngadeli siagang bicara hina Billisika. Angkanaji bawang Mikhael, “LaNapakainga' lompoko Batara!”