PANGNGEBARANG 25:6 - KITTA' MATANGKASA'

⁶ Punna andallekangko ri karaeng, paralluko tuna pa'mai', teako a'gio' kammai tau tinggi empoannu.

PANGNGEBARANG 25:6 ပူးပေါင်းရင်းမြစ်များ

PAMMUJI 131:1

Kelong siara battu ri Daud. O, Batara, tena nakutampo, siagang tena kuborro. Tena nakuondang apa-apa lompo dudua yareka sukkara' dudua mae ri nakke.

KALAPPASSANG 3:11

Mingka nakanamo Musa ri Allata'ala, “Inai tonga' anne inakke, sa'gengku akkulle andallekang ri karaenga siagang angngerangi bansa Israel assulu' battu ri Mesir?”

PANGNGEBARANG 16:19

Bajikangngangi tuna pa'maika natena pa'barang-barangngang, kala amminawanga ri tau borroa nanikasia' barang-barang narampasaka ke'nanga.

PANGNGEBARANG 25:27

Tabajikai angnganre bani jai dudu, kamma tomminjo kana appalece jai dudua.

PANGNGEBARANG 25:5

Pakabellai sikamma pappakainga' ja'dalaka battu ri balla' lompoa, nampami jarre' pamarentahanga lanri kaadelang.

PANGNGEBARANG 25:7

Bajikangngangi nisuroa nai' ri tampa' malompoanganga kala nisuroko ampassareangi anjo tampa'nu mae ri tau tinggianganga pangka'na.

PANGNGEBARANG 27:2

Teako palecei kalennu, boli'mi kamma tau maraenga anggaukangi anjo kammaya, ba'lalo tau tenaya nuassengi anggaukangi.

LUKAS 14:10

Lanri kammana, punna niundangko, pileimi pammempoang riboko dudua. Sollanna battu patanna balla' angkana ri kau nakana, ‘Maeki', ri dallekangki' ri pammempoang bajika ammempo.’ Jari nipakala'biri' mako ri dallekanna sikontu toana maraenga.

LUKAS 14:8

“Punna niundangko mange ri passua'-suarrang pa'buntinganga, teako mangei ammempo ri kaderana tunipakala'birika. Gassingka nia' tau mala'birangnganga niundang todong.

1 SAMUEL 15:17

Nakanamo Samuel, “Sai ikattemi a'jari pamimping mae ri suku-suku Israel, manna nakikana kalenta tu tuna? Napile maki' Batara a'jari karaeng mae ri tu Israel.