PANGNGEBARANG 24:23 - KITTA' MATANGKASA'

²³ Tau cara'deka le'baki akkana kamma anne: Hakinga takkulleai battala' siali.

PANGNGEBARANG 24:23 ပူးပေါင်းရင်းမြစ်များ

2 PATTOTTORANG 19:7

Musti mallakko ri Batara, siagang tutuko lalang annappuki, lanri anjo Karaeng Allata'alata nakabirisi tau a'gau' jekkonga, tau battala' sialia ri se'reang kara-kara, siagang tau annarimaya doe' pacoco'.”

AYUB 13:8

Akkullekoka agang mae ri Allata'ala nanualle-alleang salaku tumappatojenna?

PAMMUJI 107:43

Poro tau bajika nawa-nawana napikkiriki sikamma anjo passalaka siagang namangakui angkanaya tulusu' mangngamaseanNa Batara.

PANGNGEBARANG 1:6

Lanri kammana nakkullemo naselangngi apa battuang taccokkona anjo pappakaingaka siagang napahang kana-kananna tau cara'deka kammayatompa sikamma passala' napakkuta'nangnganga ke'nanga.

PANGNGEBARANG 18:5

Tabajikai angngalle mae ri tau dorakaya siagang anjallakkangi tau tenaya salanna.

PANGNGEBARANG 22:17

Pilangngeri, lakupangngajarrangi mae ri kau pappakainga' bajika! Parhatikangi pangngajarakku.

PANGNGEBARANG 28:21

Tabajikai nipasimmara'-maraeng taua; mingka nia' todong haking ero' a'gau' jekkong lanri ero'na anggappa sike'de' doe'.

HOSEA 14:9

Lanapelaki tu Israel patung-patung barhalana; laKuparakai ke'nanga naKupilangngeri pappala' doanna. Rapang poko' kayu tuli jaina leko'na, iNakke lalla'langngi ke'nanga. INakkemi kabattuanna sikontu barakkaka mae ri ke'nanga. INakke, Batara, anne akkana.”

KAIMANGNGANG 19:15

Musti lambusukko punna angngadeliko; teako battala' mangei ri tu kasi-asia siagang teako mallakki mae ri tau kalumanynyanga.

YOHANES 7:24

Teako angngadeli ri taua passabakkang apa-apa kacinikanga, passangalinna lanri kaadelang bawang.”

PAOLE 1:17

Takkulleai battala' siali kaputusannu; musti nupasangkamma-kamma ngasengi taua punna nuadeli, manna pole inai teako pasimmara'-maraengi. Teako mallakki manna pole ri nai, nasaba' anjo kaputusang nupattantua iamintu kaputusang battu ri Allata'ala. Punna nia' parkara battala' dudui nusa'ring, erangi mae ri nakke, sollanna inakke antappuki.

PAOLE 16:19

Punna angngalle kaputusang ke'nanga, takkulleai ke'nanga appaero'-ero' kalenna yareka takkulleai battala' siali. Takkulleai ke'nanga annarima passare nipacoco', lanri anjo passare kammaya napa'jari butai taua, ba'lalo manna tau cara'deka siagang tau lambusuka, sa'genna tena naadele' batena ke'nanga angngalle kaputusang.

YAKOBUS 3:17

Mingka inai ampatangi kacara'dekang battu ratea ri suruga, iami maci'nong, nangai assiamaka, sombereki, siagang mappilangngeri. Iami sanna' jaina pangngamaseanna siagang a'nyatami panggaukang-panggaukang baji'na. Tena nabattala' siali, siagang tena nangai assara-sarai.

1 PETRUS 1:17

Ri wattunnu appala' doang, akkio' Manggeko mae ri Allata'ala. Jari, Iami anjo Allata'ala langngadeli rupataua situru' massing panggaukanna; na tena nalammile tau. Lanri kammana, genteng ri nia'nu ija ri anne linoa, parallui nupakala'biri' Allata'ala lalang ri katallassannu.