PANGNGEBARANG 22:29 - KITTA' MATANGKASA'

²⁹ Le'bakko anciniki tau cara'deka anggaukangi jama-jamanna? Anjo taua lanisarei jama-jamang ri balla' lompona sikamma karaenga, teai balla' biasaya.

PANGNGEBARANG 22:29 ပူးပေါင်းရင်းမြစ်များ

PA'JARIANG 41:38

Nampa nakanamo karaenga ri ke'nanga, “Tena olota lakkulle anggappa tau maraeng la'bi cocokangngang naanne Yusuf, lanri ia nipimpingi ri RohNa Allata'ala.”

PA'JARIANG 47:6

Pasangkammami anne pa'rasangang Mesir sangkamma pa'rasangang kalennu. Lappassammi ammantang ke'nanga ri Daera Gosyen, iamintu daera kaminang bajika anrinni ri pa'rasanganga. Siagang saremi tugasa' tau cara'deka anjama untu' angngurusuki olo'-olo' piaraku.”

2 SAMUEL 2:32

Le'baki anjo naangka'mi Yoab siagang ana' buana anjo maya'na Asael nampa natarawang lalang ri jera' kaluargana ri Betlehem. Nampa a'jappa ke'nanga sipattang bujuru' sa'genna battu mange ri Hebron ri wattu subu-subua.

1 KARAENG-KARAENG 10:8

Teai sipato' upa'na ngaseng anjo bainenta! Siagang teai sipato' upa'na sikamma pagawe-pagawe tuli anjamaya untu' ikatte sa'genna akkulle nalangngere' battu ri kalenta sikontu pangngajarang pangngassengang tinggia mabajika.

1 KARAENG-KARAENG 11:28

anjama tongi Yerobeam anjoreng. Ri wattunna nacini' Salomo angkanaya cara'deki siagang rajengi anjo Yerobeam anjama, nasaremi tanggong jawa' untu' angngawasi tunjama nipassaya ri daera suku Manasye siagang Efraim.

1 PATTOTTORANG 4:23

Yangasenna ke'nanga papare' gumbang siagang katoang untu' karaenga, siagang niaka ammantang ri kota Netaim siagang Gedera.

PANGNGEBARANG 10:4

Tau malasaka latu'guru' kasi-asi; tau rajenga la'jari kalumanynyangi.

PANGNGEBARANG 12:24

Anjama terasaka napa'jari taua koasa; kamalassanga napa'jari taua ata.

PANGNGEBARANG 23:1

Punna ammempoko sipangnganreang se'rea tau malompo, u'rangi angkana inai anjo taua.

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

DANIEL 1:19

Le'baki naagang karaenga a'bicara ke'nanga, naassemmi karaenga angkanaya Daniel, Hananya, Misael siagang Azarya, la'bi cara'dekangngangi lalang a'rupa-rupa passala' naanjo turungka maraengannaya. Jari appakkaramulami ke'nanga tugasa' lalang ri balla' karaenga.

DANIEL 1:4

Anjo ke'nanga musti turungka tena caca'na. Musti tau gammara', tinggi sikolana, cara'deki, jai pangngassenganna, kammayatompa siratangi untu' anggaukangi tugasaka lalang ri balla' karaenga. Musti naajaraki Aspenas anjo ke'nanga ammaca siagang annulisi' lalang bicara Babel.

MATIUS 25:21

Nakanamo anjo karaenga, ‘Baji' sikalimi! Ikau palayang bajikko siagang tutuko. Lanri akkulleko nipatappa' ri apa-apa sike'deka, lakupirannuangiko pole apa-apa jaianganga. Antama' mako nakisiagang assannang-sannang!’

MATIUS 25:23

Nakanamo anjo karaenga, ‘Baji' sikalimi! Ikau palayang bajikko siagang tutuko. Lanri akkulleko nipatappa' ri apa-apa sike'deka, lakupirannuangiko pole apa-apa jaianganga. Antama' mako kisiagang assannang-sannang!’

ROMA 12:11

Rajengko anjama-jama. Teako kuttui. Anjamako untu' Batara lalang sumanga' battua ri RohNa Allata'ala.

2 TIMOTIUS 4:2

Parallui nubirittakang anjo biritta battua ri Allata'ala; paralluko tuli sadia lalang ri wattu bajika yareka ri wattu tenaya nabaji'. Parallui nupa'jari tappa' taua, nupauang kasalanna, siagang nupakamaju ke'nanga. Sa'bara' tojeng-tojengko angngajaraki taua.

1 SAMUEL 16:21

Kammaminjo nabattumo Daud mange ri Saul nampa a'jari palayanna Saul. Sanna' nisayanna ri Saul nampa niangka'mo a'jari paerang sanjatana.

1 SAMUEL 17:31

Mingka nia' siapa are tau allangngerekai anjo bicaranna Daud napabattui mae ri Saul. Jari nasuro kio'mi Daud untu' andallekang.