PANGNGEBARANG 22:23 - KITTA' MATANGKASA'

²³ Saba', laNialleangangi ri Batara ri parkarana ke'nanga, siagang laNaallei nyawana tau anjallakkangai ke'nanga.

PANGNGEBARANG 22:23 ပူးပေါင်းရင်းမြစ်များ

PAMMUJI 103:6

Napajappai Batara hukkunga siagang kaadelanga mae ri sikontu tau nijallakkanga.

PAMMUJI 12:5

angkanaya, “Makoasai ikambe siagang lilana ikambe! Manna apa akkulleji napau ikambe, na tena akkulle anrompai!”

PAMMUJI 12:6

Nakana Batara, “Tau kasi-asia nijallakkangi na tau sessaya akkunrarengi. Jari battu memamMa' ri kamma-kammaya anne assarei kasannangngang naminasaia ke'nanga.”

PAMMUJI 140:12

Boli'mi kamma nituju ri bala lompo tau anggaukangai katerassanga, teaKi' lappassangi ammantang ri lino tau nangaia appitina.

PAMMUJI 140:13

Kuassengi angkana iKatte assarei kaadelang tau nijallakkanga, siagang ampattojengi parkarana tu kasi-asia.

PAMMUJI 35:1

Pammujina Daud. O, Batara, Kiewai tau angngewaya', Kibunduki tau ambundukia'.

PAMMUJI 35:10

Nakanamo sikontu pa'maikku, “O, Batara, tena sanrapanTa! Kilappassangi tau lammaya battu ri tau gassinga, tu kasi-asia siagang tu pa'risika battu ri tumanjallakkanna.”

PAMMUJI 43:1

Kisarea' kaadelang, o, Allata'ala, Kipattojengi hakku mae ri bansa dorakaya. Kilappassanga' battu ri tu ja'dalaka siagang patipua.

PAMMUJI 68:5

Makkelongko mae ri Allata'ala, pujimi arenNa, pasadiai agang lompoa labattua a'dongko' rammang. ArenNa Batara, assannang-sannang mako ri dallekanNa!

KALAPPASSANG 22:22

Teako bawang-bawangngangi jandaya yareka ana' kukanga.

KALAPPASSANG 22:23

Punna ja'dalakko mae ri ke'nanga, iNakke, Batara lampilangngeri punna akkio' ke'nanga appala' tulung mae ri Nakke.

PANGNGEBARANG 21:7

Tau ja'dalaka taerokai mannuruki ri hukkung; nisessai ri kapallakkang kalenna.

PANGNGEBARANG 23:11

Saba', Batara makassaka mangngalleanganga, Iami langngalleangangi ke'nanga lambaliangko.

YESAYA 33:1

Cilakai sikamma musunta! Angngellaki ke'nanga, manna pole tena naniellaki, angngalle bokoi, manna pole tenaja nialle bokoi. Mingka le'baki ke'nanga angngella' siagang angngalle boko, kalenna ke'nanga laniella' siagang lanialle boko.

YEREMIA 30:16

Mingka kamma-kamma anne sikontu angnga'lukako lania'lu' tongi, siagang sikontu musunnu laniengkaki mange ri butta pammelakkang. LaKujallakkangi tau anjallakkangako, laKuellaki tau angngellakako.

YEREMIA 50:34

Mingka iNakke kassa', ampasalamaki ke'nanga; arengKu iamintu Batara Kaminang Koasaya. INakke KalengKu langngusahakangi parkarana ke'nanga siagang langngerang kaamangngang mae ri linoa. Mingka mae ri Babel lappabattuA' karicuang siagang kamallakkang.”

YEREMIA 51:36

Lanri kammana anjo Nakanamo Batara mae ri pandudu'na Yerusalem. “LaKuusahakangi parkaranu siagang Kubalasaki panggaukanna musu-musunnu mae ri kau. LaKupa'jari kalotoroki je'ne'na sikamma timbuseng je'neka siagang sikamma binanga niaka ri Babel.

MIKHA 7:9

Doraka maki' ri Batara, lanri kammana anjo musti nikasiaki pangngalarroinNa. Mingka tasalloami naNaalleiki' siagang Nasareki' kaadelang. LaNaerangki' assulu' mae ri singaraka; lanikasiaki kalenta angkanaya Ia ampasalamakki'.

HABAKUK 2:8

Le'ba'mi nuella' jai bansa, mingka bansa-bansa akkullea ta'lappasa' langngellakko, lanri pammunoang le'baka nugaukang, siagang lanri kapallakkang le'baka nugaukang mae ri pa'rasangang-pa'rasanganga, kota-kotaya siagang pandudu'na.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

1 SAMUEL 24:12

Tapporo Batara antappuki angkana inai ri katte sipa'rua sala. Poro Batara ambalasaki panggaukanna karaenga mae ri atanta, mingka manna sike'de' tania' ero'na atanta untu' ampa'risiki'.

1 SAMUEL 24:15

Batara la'jari haking mae ri katte sipa'rua, ikatte karaeng siagang anne atanta. Tapporo Naparessai anne parkaraya, na Nabantu atanta siagang Napasalama' atanta battu ri karaeng.”

1 SAMUEL 25:39

Nalangngere'na Daud angkana matemi Nabal, nakanamo, “Nipujimi Batara! Nabalasa'mi kana-kana appakahinana mae ri nakke, siagang Napisangkaimi anne atanNa ampanggaukang kaja'dallang. Nihukkummi Nabal ri Batara lanri kaja'dallanna.” Nampa akkirimmo Daud tunasuro mange ri Abigail untu' ampassuroi a'jari bainenna.