PANGNGEBARANG 22:17 - KITTA' MATANGKASA'

¹⁷ Pilangngeri, lakupangngajarrangi mae ri kau pappakainga' bajika! Parhatikangi pangngajarakku.

PANGNGEBARANG 22:17 ပူးပေါင်းရင်းမြစ်များ

PAMMUJI 78:1

Kelong pangngajara' battu ri Asaf. Pilangngeri pangngajarakku, he ikau bansaku, parhatikangi kana-kanangku.

PAMMUJI 90:12

Kipakaingaki ikambe antekamma bodona anne tallasaka sollanna a'jari tau tutu baji' ikambe.

PANGNGEBARANG 1:3

Anne sikamma pappakaingaka naajaraki taua antekamma nakkulle a'jari tu cara'de' lalang tallasa'na, lambusu', adele' siagang annaba.

PANGNGEBARANG 23:12

Parhatikangi ajaranna gurunnu siagang appilajarakko jai-jai.

PANGNGEBARANG 24:23

Tau cara'deka le'baki akkana kamma anne: Hakinga takkulleai battala' siali.

PANGNGEBARANG 3:1

Teako takkaluppai ri apa le'baka kuajarrangko, ana'. Tuli u'rangi parentaku,

KATO'BA 12:11

Kananna anjo tau annabaya sangkammai takkang cidu'na sitaua pakalawaki, takkang napakea, untu' anjagai gimbala'na. Passe'reang pangngebarang siagang pappakainga', sangkammai paku tatto'do' jarreka. Yangasenna anjo pasarreNa tonji Allata'ala, Pakalawakinta tenaya ruanna.

KATO'BA 7:25

Mingka na'naka' appilajara' siagang a'boya pangngassengang, sollanna kugappa kacara'dekanga siagang kugappa pialinna sikamma pakkuta'nang niaka. Kucobai ampahangi angkanaya anjo dosaya katoloang, siagang anjo kaja'dallanga katerassang pa'mai'.

KATO'BA 8:16

Ri wattunna kuusahai anggappa kacara'dekang, na kuparhatikang sikontu apa kajarianga ri linoa anne, kuassemmi angkanaya manna kisusa tojeng attuju allo bangngi tammari-maria,

KATO'BA 8:9

Yangasenna anne kuciniki ri wattunna kuparhatikang sikontu apa kajarianga ri linoa. Nia' wattunna nanapake kakoasanna taua untu' ancilakai paranna tau.

YESAYA 55:3

Pilangngeri, he bansaKu, battu mako mae ri Nakke, laKusareko katallassang sitojennaya. Lanri pangngamaseang siagang kajarrekang Kupa'janjianga ri Daud, appareKa' janji mannannungang siagang ikau ngaseng.

MATIUS 17:5

Lalang a'bicarana Petrus, nia'mo rammang accaya manaung irateanganna ke'nanga. Nania'mo sa'ra kalangngerang battu lalang ri anjo rammanga angkana, “Iaminne Ana' nikamaseangKu. Napakate'nei atingKu. Pilangngerimi kananNa!”