PANGNGEBARANG 21:31 - KITTA' MATANGKASA'

³¹ Manna pole nipa'langka' pa'bundukanga siagang jarang pa'bundukang, mingka ampattantuai pammetanga iamintu Batara.

PANGNGEBARANG 21:31 ပူးပေါင်းရင်းမြစ်များ

2 SAMUEL 23:12

Mingka Sama tuli ammantanna attahang a'bundu', na nabuno siagang nabeta tu Filistin, sa'genna akkulle napartahangkang anjo kokoa. Kammaminjo nanisare pammetang lompo ri Batara.

PAMMUJI 144:10

Kisarei pammetang sikamma karaenga, siagang Kilappassang atanTa Daud.

PAMMUJI 147:10

Nangaia Batara teai jarang kassaka; teai todong pejuang barania.

PAMMUJI 20:7

Anne kamma kuassemmi angkana Batara assarei pammetang mae ri karaeng nipileNa. Nipiali ri Batara battu ri suruga matangkasa'na; lanri koasaNa Batara, nanggappa pammetang lompo.

PAMMUJI 20:8

Nia' tau ampattoangi kareta pa'bundukanna, nia' todong appattoangi jaranna. Mingka ikatte nipattoanga koasaNa Batara, Allata'alata.

PAMMUJI 3:3

Jaimi tau mangkana taerokai Allata'ala antulunga'.

PAMMUJI 3:8

Kipasalamaka', o Batara Allata'alaku, hukkungi naKipesoki sikontu balingku.

PAMMUJI 68:20

Pujimi Batara, saba' Iami ampasalamakki'; allo-allona Napisang erangnganta.

KATO'BA 9:11

Nia' pole kucini' ri anne linoa: teai tuli kaminang gassinga lari ammeta ri pa'lumbanga, teai tuli tau kassaka ammeta ri pa'bundukanga. Tena natuli anggappa pa'boya-boyang tau cara'deka. Na tau taranga pikkiranna tena natuli anggappa kakalumanynyangang. Kammayatompa natuli masahoro' tau porea. Saba' manna inai akkulle tonji natuju dalle' siala'.

YESAYA 31:1

Cilakai tau a'lampaya mange ri Mesir appala' bantuang! Napattoangi ke'nanga kagassinganna tantarana tu Mesir siagang pasukang padongko' jaranna, kammayatompa kassa'na ngaseng jaranna siagang jaina kareta bundu'na. Mingka tena natappa' ke'nanga ri Batara, Allata'ala matangkasa'na Israel, siagang tena nappala' bantuanNa.

YEREMIA 3:23

Tena matu-matunna ikambe assua'-suara' anynyomba barhala irate ri coppo'-coppo' buluka. Battu ri Karaeng Allata'alana bawang ikambe pannulunna umma' Israel.

1 KORINTUS 15:57

Sukkurukki' mae ri Allata'ala; nasaba' Nasare maki' pammetang lalang ri Isa Almasi, Batarata!