PANGNGEBARANG 20:6 - KITTA' MATANGKASA'

⁶ Jai tau nakana kalenna agang, mingka tau tenaya tojeng pamminrana, sukkaraki nigappa.

PANGNGEBARANG 20:6 ပူးပေါင်းရင်းမြစ်များ

PAMMUJI 12:1

Untu' pamimping pakelong. Situru' lagu makasagantuju. Pammujina Daud.

PAMMUJI 12:2

Kitulungi ikambe o, Batara, nasaba' tenamo tau baji', sikamma tau majarreka ri Katte lanynya' ngasemmi.

PANGNGEBARANG 20:5

Bone atinna taua sanrapangi bungung lantang; mingka akkullei nise'ro' ri tau niaka pammahanna.

PANGNGEBARANG 25:14

Janji-janji tanirupaia, sanrapangi rammang siagang anging tamappaturunga bosi.

PANGNGEBARANG 27:2

Teako palecei kalennu, boli'mi kamma tau maraenga anggaukangi anjo kammaya, ba'lalo tau tenaya nuassengi anggaukangi.

KATO'BA 7:28

Kuboya iji pappiali maraenga, mingka tenamo nakugappai. Ri sisa'bua tau, nia' kugappa sitau bura'ne kupakalompoa. Mingka tena ri ke'nanga kugappa baine akkulle kuanggara'.

YEREMIA 5:1

He pandudu'na Yerusalem, jappaimi sikontu aganga lalang ri kotanu! Boyai kemae-kemae, siagang ikau tommo anciniki. Paressai ri paranna kotaya maka nia' se're tau lambusu' nyawana, attojeng-tojenga ero' majarre' tappa'na mae ri Allata'ala? Punna nia', laNapammopporangi Batara Yerusalem.

MIKHA 7:1

Cilakama' inakke! Rapanga' tau cipuruka a'lampa mange angngattili' rappo anggoro' ri wattunna allalomo wattu rappoa. Tena rapponna poko' rappo-rappoanga. Rappo anggoroka siagang rappo ara bajika la'busu' kabusu'mi nialle.

MIKHA 7:2

Tau lambusuka lanynya'mi battu ri pa'rasanganga, tau majarreka tappa'na mae ri Allata'ala tenamo nibuntulu'. Tunggala' taua massing attayangi kasampatang untu' ammuno. Massing attannangi sikko' untu' paranna tau.

MATIUS 6:2

Jari, punna assareko passidakka mange ri tau kasi-asia, teako pau-paui mange ri tau maraenga, sangkamma sarroa nagaukang tau munapeka ri balla' sambayanga yareka ri tangngana aganga, lanri eroki nipalece ri taua. U'rangi angkanaya ia tommi anjo pappalecea a'jari pahalana ke'nanga. Pantaranganna anjo pappalecea tenamo pahala maraeng lanagappa.

LUKAS 18:11

Anjo tu Farisia akkale-kalemi ammenteng nampa appala' doang lalang ri atinna nakana, ‘O, Allata'ala, appala' sukkurukka' mae ri Katte, lanri tena kusangkamma tau maraenga; tena kusangkamma tau angngoaya, tau jekkonga, yareka tau a'gau' bawanga. Appala' sukkurukka', lanri tena kusangkamma anjo pasingara' simaya.

LUKAS 18:28

Akkanami Petrus nakana, “Kicini'mi anne ikambe! Nibokoimi ballatta, tu bai'-baineta siagang ana'-anatta, nakimminawang ri Katte!”

LUKAS 18:8

Patappa'mi angkanaya: Lalintaki Nasare ammeta ke'nanga! Mingka punna battu Ana' Ma'rupataua, maka lania'ja tau tappa' nabuntulu' lalang ri anne linoa?”

LUKAS 22:33

Appialimi Petrus nakana, “O, Batara, sadiama' antama' ri tarungkua siagang assikamateang siagang iKatte!”

YOHANES 1:47

Nacini'mi Isa nia' battu Natanael; na Napaumo passala' ri batangkalenna Natanael Nakana, “Ciniki, iaminjo tu Israel tojeng-tojenga. Tena apa-apa palassu lalang ri batangkalenna.”

2 KORINTUS 12:11

A'gau' sanrapang tojemma' tau dongoka – mingka passabakkang ikaumi naku'jari kamma anjo. Sikontutojenna ikau ngasemmi siratang ampujia'. Nasaba' manna tena sikali anggarangku, mingka tena nakunibeta ri sikamma anjo suro balle-balle nukanaya sannaka porena!