27 Ati mailalanna taua iami singara' battu ri Batara ansingari sikontu atinna.
Nampa angngalle Karaeng Allata'ala sike'de' butta, naNapare' a'jari se're tau, nampa natui' so'bolo' ka'murunna siagang nappasa' assarea katallassang; nattallasa'mo anjo taua.
Mingka assarea kacara'dekang mae ri rupataua, RohNa bawang Allata'ala Kaminang Koasaya.
Punna ammarenta karaenga siagang mangngamaseang, lambusu', siagang adele', latuli makoasai.
Nia' wattunna na pangalamang paika allu'luki kaja'dallanga, siagang natangkasi atinna rupataua.
Panggaukannami ke'nanga ampa'nassai angkanaya tattulisiki ri atinna ke'nanga anjo apa-apa napassuroanga anjo hukkung-hukkunga. Atinnami pole ke'nanga ampa'nassai anjo passalaka, nasaba' nia' wattunna nanipasala yareka nanipannaba ri pikkirang kalenna todong ke'nanga.
Sai akkullea angngassengi bonena atinna se'rea tau, iamintu atinna tonji anjo taua? Kammatommi anjo rapanna Allata'ala. Ia akkullea angngassengi bonena atinNa Allata'ala iamintu RohNa tonji Allata'ala!