PANGNGEBARANG 20:22 - KITTA' MATANGKASA'

²² Teako balasaki kaja'dallanga siagang kaja'dallang; tappakko ri Batara, Iami lantulungko.

PANGNGEBARANG 20:22 ပူးပေါင်းရင်းမြစ်များ

2 SAMUEL 16:12

Gassingka Naparhatikangi Batara anne kapa'risanga nampa Nabarakkakia' salaku sambenna anjo pattunraia.”

PAMMUJI 27:14

Manrannuangko mae ri Batara, gassingi siagang pakajarreki pa'mai'nu; manrannuangko mae ri Batara!

PAMMUJI 37:34

Manrannuangko ri Batara siagang turuki parentaNa, na Naangkakko untu' a'jari warisi' ri anjo buttaya; lanuciniki nipa'lanynya' tu ja'dalaka.

PAMMUJI 37:40

Natulungi siagang Napasalamaki ke'nanga, Nalappassangi ke'nanga battu ri tu ja'dalaka, saba' a'la'langi ke'nanga mae ri Ia.

PANGNGEBARANG 17:13

Inai ambalasaki kabajikanga siagang kaja'dallang, takkulle tongangngai nipasulu' kaja'dallanga battu lalang ri balla'na.

PANGNGEBARANG 19:11

Tau cara'deka akkullei natahang larrona. Nipuji lanri tanajampangiai kasalanna taua mae ri kalenna.

PANGNGEBARANG 20:21

Barang-barang lintaka gappanna, kale'bakkanna teai barakka'.

PANGNGEBARANG 24:29

Teako angkanai, “Lakubalasaki mae ri ia apa le'baka nagaukang mae ri kalengku!”

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.

KAIMANGNGANG 19:18

Teako appasibalassi panggaukang kodi siagang teako kabirissi parannu tau, mingka kamaseangi parannu tau sangkamma nukamaseanna batangkalennu. INakke Batara.

MATIUS 5:39

Mingka anne kamma Kukana ri kau ngaseng: teako appasibalasaki gau' kodi mange ri tau le'baka a'gau' kodi ri kau. Passangalinna punna nia' antempaka'rangi pilisi' kanannu, boli'mi kamma natempaka'rang todong pilisi' kairinnu.

PAOLE 32:35

LaNabalasaki siagang laNahukkungi ke'nanga, latu'guruki ke'nanga; a'reppese'mi kapanrakanna ke'nanga.

1 TESALONIKA 5:15

Jagai sollanna tena nanubalasa' kaja'dallanga siagang kaja'dallang. Usahako tuli a'gau' baji' mae ri massing para ikau, kammayatompa mae ri yangasenna taua.

1 PETRUS 2:23

Ri wattunna nipali'boi, tena Na'balasa' appali'bo. Ri wattunna sessa, tena Na'garatta'; poro Nabuangammi anjo parkaraya mae ri Allata'ala, Haking adeleka, sikamma kara-kara antujuai.

1 PETRUS 3:9

Teako pasibalasaki kaja'dallanga siagang kaja'dallang, yareka kana-kana pali'bo siagang kana-kana pali'bo; mingka pappalakkangi barakka' mae ri Allata'ala; iaminjo nupa'balassang. Nasaba' iaji naNakiokko Allata'ala kaNakellaiko sollannu akkulle annarima barakka' battu ri Ia.

1 PETRUS 4:19

Lanri kammana, punna nia' tau angkasiaki sessaya lanri Nakaerokinna Allata'ala kammaya anjo, parallui nabajiki tallasa'na siagang parallui napappirannuang kalenna mae ri Batara Mappa'jarina ke'nanga. Iami tuli lanrupai janjinNa.

1 SAMUEL 25:13

Naparentakammi Daud angkana, “Massing pasikko' ngasengi pa'dannu ri aya'nu!” Silalonna memang nanagaukammo ana' buana anjo apa naparentakanga. Napasikko' tommi Daud pa'danna ri aya'na nampa a'lampa siagang kira-kira nia' 400 tau, nampa nia' 200 ammantang untu' a'jaga barang-barang.