PANGNGEBARANG 20:15 - KITTA' MATANGKASA'

¹⁵ Kana-kana ammonea pangngassengang, tinggiangngangi anggaranna kala bulaenga na barlianga.

PANGNGEBARANG 20:15 ပူးပေါင်းရင်းမြစ်များ

PANGNGEBARANG 15:23

Kana-kana nipasuluka ri wattu kaminang cocoka, langngerangi karannuang.

PANGNGEBARANG 15:7

Kana-kana tau cara'deka rassi siagang pangngassengang, mingka pikkiranna tau dongoka tena nakamma.

PANGNGEBARANG 16:16

Bella' la'bi baji'na anggappaya kacara'dekang kala anggappaya bulaeng; la'bi lompoangngangi anggaranna anggappaya pangngassengang kala anggappaya pera'.

PANGNGEBARANG 16:21

Tau cara'deka niassengi nibatei battu ri pikkirang taranna; angngallei pa'mai' batena a'bicara, ampa'jari nipatappa' kana-kananna.

PANGNGEBARANG 16:24

Kana-kana bajika sanrapangi je'ne' bani; te'nei kasia'na siagang napakkamalei tubua.

PANGNGEBARANG 20:14

Paballia tuli akkunrareng ri passala' ka'jala'na apa-apaya. Mingka punna le'ba'mo naballi, nakalompoammi pa'mai' lanri anjo ballinna naballiangi.

PANGNGEBARANG 20:16

Inai antanggongi inranna tau maraenga, siratangi nialle barang-baranna untu' a'jarri panynyikko' janjinna.

PANGNGEBARANG 25:12

Pappasailena tau cara'deka mae ri tau eroka mappilangngeri, sanrapangi cincing bulaeng yareka belo-belo bulaeng.

PANGNGEBARANG 3:15

Tinggiangngangi anggaranna na batu paramataya; sikontu apa-apa nukacinnaiya takkulleai napasangkammai.

PANGNGEBARANG 5:2

sollanna nuasseng ampa'rampei kalennu siagang a'bicara sangkamma tau niaka pangngassenganna.

PANGNGEBARANG 8:10

Anggaraki pappakaingakku la'biangngang na pera' ti'noka paralluangngangi pangngassenganga la'biangngang na bulaeng ti'noka.

PANGNGEBARANG 8:11

Inakkemi kacara'dekang, la'biangngang anggaranna na barliang; takkulleai nipasanrapang siagang sikontu apa nukacinnaia.

EFESUS 4:29

Punna a'bicarako, teako ammakei bicara ra'masa'. Pakemi kana-kana appakabajika siagang akkullea antulungi tau maraenga. Anjo kana-kana kammaya langngerangi kabajikang mae ri tau allangngerekai.