22 Mingka tau ja'dalaka siagang tau dorakaya lanipasambilai assulu' ri Allata'ala battu ri anjo pa'rasanganga, sanrapang ruku' nibi'buka battu ri buttaya.
Lanisarei Israel ri Batara sitau karaeng lampaccappukiai kadudukanna turunganna Yerobeam salaku karaeng. Narapi'mi allonna! Appakkaramula kamma-kamma anne
Matei Saul lanri amminrai mae ri Batara, siagang tena naturuki sikamma parentaNa. Tena nappala' pitunju' ri Batara, mingka appala' maei ri roh-rohna tu matea. Iaminjo saba'na nanihukkung ri Batara, siagang nipassareang kakaraenganna mae ri Daud ana'na Isai.
Mingka ikau lanipossokko ri Allata'ala satunggu-tungguna; nijakkalakko siagang nire'resangko battu lalang ri balla'nu, siagang nipa'lanynyakko battu ri linona tau attallasaka.
Tena nalanipammopporang ri Batara tau kammaya anjo. Kabalekanna, lanitabai ri pangngalarroi lompoNa Batara, siagang sikontu anjo bala niaka tattulisi' lalang ri anne kittaka labattui antujui, sa'genna nipanraki ri Batara.
A'lappo' hebaki larroNa Batara, siagang lalang larro lompoNa anjo Nabi'bu'mi bansa Israel battu ri buttana ke'nanga nampa Napasambila ke'nanga mange ri pa'rasanganna bansa maraenga. Iaminjo saba'na nania' ke'nanga anjoreng.’