PANGNGEBARANG 2:14 - KITTA' MATANGKASA'

¹⁴ Battu ri kaja'dallanna ke'nanga napanggappai kasannangngang.

PANGNGEBARANG 2:14 ပူးပေါင်းရင်းမြစ်များ

PANGNGEBARANG 10:23

Tau dongoka nangai appanggaukang salaya; tau cara'deka nangai a'boya kacara'dekang.

PANGNGEBARANG 21:10

Tau ja'dalaka tuli eroki anggaukangi kaja'dallanga; manna ri nai tena pangngamaseanna.

PANGNGEBARANG 4:16

Tau ja'dalaka takkulleai attinro punna tenapa nagaukangi apa tenaya nabaji'. Tata'do'dokai ke'nanga punna tenapa nabalai paranna tau.

YEREMIA 11:15

Nakana Batara, “UmmakKu Kukamaseanga nagaukammi apa-apa ja'dalaka. Tenamo nasiratang ke'nanga antama' ri BallakKu. Nakapangi ke'nanga angkanaya lanri appare' janji-janji, siagang lanri assare olo'-olo', akkullei napalili ke'nanga balaya. Maka lanri kammana anjo nakkulle ke'nanga ammeta?

HOSEA 7:3

Nakana Batara, “Napakei akkala' balle-ballena siagang panggaukang-panggaukang ja'dala'na ra'yaka untu' ampakasannangi atinna karaenga siagang sikamma pagawe-pagawe pamarentaya.

HABAKUK 1:15

Bansa Babel najakkalaki taua siagang pekang, rapang angkana anjo ke'nanga juku'. Anjo taua nare'resangi lalang jala siagang sannang-sannammi anjo tu Babel lanri anjo wassele' nagappaya ke'nanga.

ZEFANYA 3:11

Anjo wattua, he ummakKu, tenamo nuparallu pole siri'-siri' lanri le'ba'nu angngewa mae ri Nakke. LaKubongkai sikamma tau tampoa siagang borroa, siagang tenamo nulangngewa mae ri Nakke irate ti bulu' matangkasakKu.

ROMA 1:32

Naassenji ke'nanga angkanaya siratangi nihukkung mate situru' hukkunNa Allata'ala tau a'gau' kammaya ngaseng anjo. Mingka manna nakamma nagaukang tonji ke'nanga panggaukang-panggaukang kammaya; ba'lalo nasitujui tongi ke'nanga a'gau' kamma todong tau maraenga.

1 KORINTUS 13:6

Tau mangngamaseanga ri paranna tau tena nangai kaja'dallanga; mingka katojengangaji nangai.