PANGNGEBARANG 19:18 - KITTA' MATANGKASA'

¹⁸ Atoro' bajiki ana'nu lalang nia'na ija panrannuang; punna tena, sanrapang erokko ri kapanrakang.

PANGNGEBARANG 19:18 ပူးပေါင်းရင်းမြစ်များ

PANGNGEBARANG 13:24

Punna tanitunrunga anaka, battuanna tena nimangngai ri ia; punna ningai, musti barani taua antunrungi.

PANGNGEBARANG 19:19

Boli'mi kamma tau lintaka larro nakasia' kale'bakkanna. Punna nutulungi, poro nutambaiji kalarroanna.

PANGNGEBARANG 22:15

Siratangi ana'-anaka anggaukangi katoloanga, mingka raukanga akkulle angngajaraki ke'nanga sollanna napinra panggaukanna.

PANGNGEBARANG 25:28

Tau tenaya nakkulle nalewai kalenna sanrapangi kota runrunga tembo' pattahanganna.

PANGNGEBARANG 29:15

Pangngajaranga siagang pappasailea napa'jari taua cara'de'. Ana' tuli niturukianga ero'na lanapakasiriki amma'na.

PANGNGEBARANG 29:17

Ajaraki ana'nu, nanasareko kasannangngang, siagang a'jari panynyaleori ri kau.

PAOLE 21:18

“Ebara' angkana nia' ana' bura'ne kapala batu, nangai angngewaya siagang taerokai mannuruki ri tau toana manna pole nale'ba'mo nihukkung ri tau toana.