PANGNGEBARANG 19:14 - KITTA' MATANGKASA'

¹⁴ Ballaka siagang barang-baranga akkullei nagappa battu ri manggena, mingka baine cara'deka iami passareNa Batara.

PANGNGEBARANG 19:14 ပူးပေါင်းရင်းမြစ်များ

PA'JARIANG 24:44

Punna eroki assarea', nampa nasare todong angnginung sikamma untaku, iaminjo poro Napilea Batara untu' a'jari bainenna ana'na anjo karaengku.’

PA'JARIANG 24:7

Batara, Allata'ala makoasaya ri langika, le'ba' angngeranga' assulu' battu ri balla'na manggeku siagang battu ri pa'rasanganna bija pammanakangku, siagang le'ba'mi assumpa ri nakke angkanaya laNapassareangi anne pa'rasanganga mae ri turungangku. Iatommi lassuroi battu malaeka'Na untu' antulungko, sollanna akkulle nupanggappang sitau baine anakku battu anjoreng.

PANGNGEBARANG 13:22

Tau bajika ammoliki warisi' kakalumanynyangngang mae ri ana' cucunna; kakalumanynyangnganna tau dorakaya niboliki untu' tau lambusuka ri tallasa'na.

PANGNGEBARANG 18:22

Tau anggappaya anrong ana', anggappai passawallang; anrong anaka iami passareNa Batara.

PANGNGEBARANG 3:6

Angngu'rangiko mae ri Batara lalang sikontu apa nugaukanga, na Iami lampicinikiangko nikanaya carana attallasa' bajika.

2 KORINTUS 12:14

Kamma-kamma anne maka pintallungkumi apparuru ero' battu angkunjungiko. Natena nakuero' ansusaiko. Nasaba' teai barang-barannu kukaeroki, passangalinna kalennu. Nasaba' teai ana'-anaka ampa'boyangi katallassang tau toana, passangalinna tau toanaji musti ampa'boyangi katallassang ana'-ana'na.

PAOLE 21:16

Punna ero' anjo taua ampattantui antekamma batena lambagei pa'barang-barangnganna mae ri ana'-ana'na, takkulleai battala' siali mae ri ana' battua ri baine nakamaseanna nanasare anjo anaka bageang siratannaya musti nipassareangi mae ri ana' toaya.

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

YOSUA 11:23

Sikontu anjo pa'rasanganga naallei Yosua situru' parentaNa Batara mae ri Musa, nampa nipassareang mae ri bansa Israel untu' napatang ke'nanga. Nibage-bagei anjo pa'rasanganga, na massing-massing sukua anggappai tasse're bageang. Ammarimi bansa Israel a'bundu' siagang amammi nasalewang pa'rasanganna.