PANGNGEBARANG 18:9 - KITTA' MATANGKASA'

⁹ Tau tenaya najampangi tugasa'na sangkammai kodina siagang tau nangaia ammanraki.

PANGNGEBARANG 18:9 ပူးပေါင်းရင်းမြစ်များ

AYUB 30:29

Si'na sa'rangku, jai kodongku, rapang karru'na serigala siagang jangang-jangang unta.

PANGNGEBARANG 10:4

Tau malasaka latu'guru' kasi-asi; tau rajenga la'jari kalumanynyangi.

PANGNGEBARANG 18:8

Anjo appitinaya bajiki kasia'na; nangai naa'lu' taua.

PANGNGEBARANG 19:15

A'malasa'-malasaka akkullei napajannang tinrona taua, kale'bakkanna lanaallei cipuru' anjo lapung tau malasa'.

PANGNGEBARANG 28:24

Inai allukkaki tau toana siagang nakana teai dosa anjo kammaya, sangkammai palukka'-palukka' maraenga.

MATIUS 25:26

Nakanamo anjo karaenga, ‘Ikau palayang ja'dalakko siagang malasakko. Sai nuassemmi angkanaya angngallea' rappo-rappoang battu ri poko'-poko' takulamunga; siagang angngallea' wassele' ri tampa' tenaya kulamungi bine?

ROMA 12:11

Rajengko anjama-jama. Teako kuttui. Anjamako untu' Batara lalang sumanga' battua ri RohNa Allata'ala.

IBRANI 6:12

Tena kikellaiko a'jari malasa'. Mingka kikellaiko sollannu attallasa' sangkamma tau antarimayai apa Napa'janjianga Allata'ala, lanri tappa'na mae ri Ia, siagang lanri sa'bara'na attayang.