PANGNGEBARANG 18:22 - KITTA' MATANGKASA'

²² Tau anggappaya anrong ana', anggappai passawallang; anrong anaka iami passareNa Batara.

PANGNGEBARANG 18:22 ပူးပေါင်းရင်းမြစ်များ

PA'JARIANG 2:18

Nampa Nakana Karaeng Allata'ala, “Tabajikai taua attallasa' kale-kalenna. LappareKa' se're parekang aganna ia cocoka ri ia untu' ambantui.”

PA'JARIANG 24:67

Le'baki anjo naerammi Ishak anjo Ribka antama' ri kemana tumate Sara amma'na, nampa nanikkai Ribka. Sanna' nangaina Ishak anjo Ribka; sa'genna kasaleorammi pa'mai'na si'naya lanri tenanamo amma'na.

PA'JARIANG 29:28

Situjumi Yakub. Na allalonamo anjo passua'-suarranga, napassareammi Laban anjo Rahel mae ri Yakub untu' a'jari bainenna. (

PANGNGEBARANG 12:4

Tubaine bajika iami kalompoang pa'mai' siagang kate'neang mae ri bura'nenna, baine ampakasirikai bura'nenna sanrapangi garring lalang ri buku, ammanrakia.

PANGNGEBARANG 19:14

Ballaka siagang barang-baranga akkullei nagappa battu ri manggena, mingka baine cara'deka iami passareNa Batara.

PANGNGEBARANG 3:4

sollannu ningai siagang nipakala'biri' ri Allata'ala siagang ri rupataua.

PANGNGEBARANG 8:35

Inai ambuntulukka', anggappai katallassang, mangngellai Batara mae ri ia.

KATO'BA 9:9

Kasia'mi tallasaka siagang bainennu nungaia lalang tallasa' sia-sianu, Nasareako Allata'ala ri lino. Kasia'mi allo-allo manna natena matu-matunna. Saba' iaji anjo bawang sawala' posonu.

HOSEA 12:12

mingka manna nakamma tuli nia'na ija anynyomba barhala ri Gilead, kammayatompa assare koro'bang sapi irate ri tampa' pakkoro'bangnganga ri Gilgal. Mingka anjo ke'nanga anynyombaya ri anjo barhalaya lamatei, siagang anjo tampa'-tampa' pakkoro'bangnganga ri Gilgal la'jari tambungang batui ri koko-kokoa.”

1 KORINTUS 7:2

Mingka sollanna tena nanigodai taua anggaukangi apa-apa tenaya matu-matunna, bajikangangi punna massing nia' baine kalenna se're-se'rea bura'ne, kammayatompa massing nia' bura'ne kalenna se're-se'rea baine.

RUT 4:10

Na pantaranganna anjo pole, kualle tommi Rut, anjo baine battua ri Moab, anjo le'ba' bainenna tumate Mahlon, a'jari bainengku. Lanri kammana, anjo tanaya tuli a'jari pisakana mae ri kaluargana anjo tumateamo. Siagang turunganna tuli lania' tongi ri tangnga-tangngana bija-bijanna siagang kotana. U'rangi ngasengi sari'battang, anne alloa ikau ngaseng a'jari sa'bi.”