PANGNGEBARANG 18:21 - KITTA' MATANGKASA'

²¹ Makoasai lilaya untu' ampasalamaki yareka ampanraki tallasaka; musti natanggongi taua kale'bakkanna apa napaua.

PANGNGEBARANG 18:21 ပူးပေါင်းရင်းမြစ်များ

PAMMUJI 12:5

angkanaya, “Makoasai ikambe siagang lilana ikambe! Manna apa akkulleji napau ikambe, na tena akkulle anrompai!”

PANGNGEBARANG 10:31

Tau te'nea pa'mai'na appasuluki kana-kana cara'de'; tau ja'dalaka lanijempangangi bawana.

PANGNGEBARANG 11:30

Tau bajika lanikatutui tallasa'na; tau cara'deka lakatambangi tau amminawanga ri ia.

PANGNGEBARANG 12:13

Tau ja'dalaka niallei ri sikko' kana-kana kodi napasuluka; tau bajika nipalili battu ri kasukkarranga.

PANGNGEBARANG 21:23

Sollanna nililiang kasukkaranga, parallui tutu taua ri kana-kana.

YESAYA 3:10

Nakana Batara, “Pabattui mae ri tau mannurukia ri Nakke angkana lamate'nei siagang lasalamaki ke'nanga. Lanakasia' bajiki ke'nanga wassele' posona.

YESAYA 57:19

LaKusarei kasannangngang sikontu taua, baji' tau ambania kammayatompa tau bellaya. LaKupakabajiki ummakKu.

HOSEA 10:13

Mingka ikau nugaukangi apa kabalekannaya; appattujuangko mae ri kaja'dallanga, siagang akkattoko tenaya naadele'. Nukanrei rappo-rapponna wassele' balle-ballenu.” Nakana pole Batara, “He bansa Israel, lanri nupattoanna kareta-kareta pa'bundukannu siagang jaina tantaranu,

2 KORINTUS 11:15

Jari tena nappakalannasa' punna ammakeang kamma todong palayanNa Allata'ala anjo sikamma palayanna Billisika. Mingka kale'bakkanna lanagappa ngaseng tonji pa'balasa'na sikontu panggaukanna ke'nanga.

EFESUS 4:29

Punna a'bicarako, teako ammakei bicara ra'masa'. Pakemi kana-kana appakabajika siagang akkullea antulungi tau maraenga. Anjo kana-kana kammaya langngerangi kabajikang mae ri tau allangngerekai.

KOLOSE 4:6

Sikamma bicara nupasuluka parallui appakasannang pa'mai' siagang appatimbo pangngai. Parallui nuasseng baji' appiali ri pakkuta'nanna taua.

2 PETRUS 2:18

A'bicara tampoi siagang a'bicara kosongi ke'nanga; siagang napakemi hawa napasuna ke'nanga untu' ampasala oloangi tau beru ta'lappasaka battu ri pa'rappunganna tau lingua ri katallassanna.