PANGNGEBARANG 17:6 - KITTA' MATANGKASA'

⁶ Kalompoang pa'mai'na tau toayamo, iamintu ana' cucunna; kalompoang pa'mai'na ana'-anaka, iamintu tau toana.

PANGNGEBARANG 17:6 ပူးပေါင်းရင်းမြစ်များ

PA'JARIANG 48:11

Nampa nakanamo Yakub ri Yusuf, “Tena sikali kukapangi angkana lasicini' ija' siagang ikau. Mingka kamma-kamma anne ba'lalo Nasarema' Allata'ala pangngellai untu' ancini' tongi ana'-ana'nu.”

PA'JARIANG 50:23

Narapi' iji nacini' ana' cucunna Efraim. Narapi' tongngiji naparakai ana'-ana'na Makhir, iamintu cucunna Manasye, napasangkamma ana' kalenna.

1 KARAENG-KARAENG 11:12

Mingka manna nakamma, lanri manggenu Daud, tena nalaKugaukang anjo kammaya lalang attallasa'nu ija. Ri wattu pamarentahanna ana' bura'nenu, nampami Kugaukang.

1 KARAENG-KARAENG 15:4

Mingka lanri Karaeng Daud, nanisaremo Abiam sitau ana' ri Batara, Allata'ala nasombaya Daud, untu' ansambeangi ammarenta ri Yerusalem siagang ampartahangkangi anjo kotaya.

KALAPPASSANG 20:12

Pakala'biriki manggenu siagang amma'nu, sollanna salewangang tallasa'nu siagang la'bu umuru'nu ri pa'rasangang Kupassareanga mae ri kau.

PANGNGEBARANG 13:22

Tau bajika ammoliki warisi' kakalumanynyangngang mae ri ana' cucunna; kakalumanynyangnganna tau dorakaya niboliki untu' tau lambusuka ri tallasa'na.

PANGNGEBARANG 16:31

Tau lambusuka lanisarei umuru' la'bu; uanna sanrapangi songko' kalompoang accaya.

MALEAKHI 1:6

Nakana Batara Kaminang Koasaya mae ri sikamma imanga, “Se'rea ana' napakalompoi manggena, siagang se'rea palayang napakalompoi karaenna. INakke anne Manggenu ngaseng; mingka apa saba'na natena nupakalompoA'? INakke anne pinggawanu; mingka angngapa natena numalla' mae ri Nakke. Nuhina-hinaiA', mingka akkuta'nangko angkana, ‘Antekamma batena ikambe anghinaKi?’