PANGNGEBARANG 17:26 - KITTA' MATANGKASA'

²⁶ Tena nasiratang nipassala tau tenaya salana; tasiratangai nijallakkang tau bajika akkala'na.

PANGNGEBARANG 17:26 ပူးပေါင်းရင်းမြစ်များ

PA'JARIANG 18:25

Tea laloi nanibunoi anjo tau tenaya salana assama-sama siagang tau salaya. TeaKi' Batara! Nasaba' punna kamma anjo laKigaukang, ma'nassa anjo tau tenaya salana lanipasihukkungi siagang tau niaka salana. Maka akkullei hakinna sikontu linoa la'gau' tena adele'!”

2 SAMUEL 19:7

Kupalaki nakiammenteng nai' karaeng nampa assulukki' ampakasannangi nyawana ana' buata. Assumpai atanta lanri Batara, angkanaya punna tena kiassulu' ambuntuli ke'nanga, anne memang bangngia tenamo manna sitau ero' anrurungangki'. Anjo kammaya la'jari bala kaminang lompo lakikasiaka lalang sikontuna tallasatta.”

2 SAMUEL 3:39

Manna inakke anne nipilea' ri Allata'ala a'jari karaeng, mingka kamma-kamma anne tena kusa'ring kagassingangku. Anjo ana'-ana'na Zeruya teai sipato' palla'na. Takukulleai kukoasai ke'nanga. Dasi-dasi nanihukkung ri Karaeng Allata'ala anjo ke'nanga tau ja'dalaka, situru' panggaukanna ke'nanga.”

PANGNGEBARANG 17:15

Nakabirisi Batara tau ampattojengai tau dorakaya, siagang nabilang sala tau tenaya nasala.

PANGNGEBARANG 18:5

Tabajikai angngalle mae ri tau dorakaya siagang anjallakkangi tau tenaya salanna.

MIKHA 5:1

Nakana Batara, “He Betlehem Efrata, ikau kalase'renna kota kaminang ca'dia ri Yehuda! Mingka battu ri kaumi laKupammumba sitau makoasaya untu' Israel, naia assala'na battu riolo duduji.”

YOHANES 18:22

Ri wattunna akkana kamma anjo Isa, nia'mo sitau pangawala' antempaka'rangi siagang nakana, “Nubarani kamma akkana kammanjo mae ri imang lompoa!”