PANGNGEBARANG 17:24 - KITTA' MATANGKASA'

²⁴ Natujua tau niaka pammahanna iamintu untu' anggappa kacara'dekang, mingka tau toloa tena nattantu pattujunna.

PANGNGEBARANG 17:24 ပူးပေါင်းရင်းမြစ်များ

PAMMUJI 119:37

Kijagaia' sollanna tena kuondangi apa tenaya matu-matunna, Kisarea' tallasa' situruka erotTa.

PANGNGEBARANG 14:6

Tau tampoa tena nala'jari cara'de', mingka tau cara'deka gampangi appilajara'.

PANGNGEBARANG 15:14

Tau cara'deka a'boyai pangngassengang; tau dongoka sibuki siagang kadongokanga.

PANGNGEBARANG 17:25

Ana' toloa nasusai manggena, siagang napakasi'nai pa'mai'na amma'na.

PANGNGEBARANG 23:5

Saba', lalang sipakkida mataji nakkulle lanynya' barang-barannu, sanrapang akka'nyiki nanri'ba' nai' ri allaka sangkamma jangang-jangang rajawali.

KATO'BA 2:14

Tau cara'deka akkullei nacini' oloang lanatujua; tao toloa rapang angngosalaki ri pa'jappanna.” Mingka kuasseng tongi angkanaya sangkammaji sare lanagappaya ngaseng ke'nanga.

KATO'BA 6:9

Yangasenna anjo poro sia-siaji bawang, sanrapang usaha untu' angngondang anging. La'bi bajikangngangi sukkukamo ri apa niaka ri katte naia tuli eroka la'bi jaiangngang.

KATO'BA 8:1

Tamaka sannanna tau cara'deka. Naassengi pialinna sikamma parkaraya. Kacara'dekanga ampa'jari rannui siagang ta'muri, sa'genna tuli accaya rupanna.

YOHANES 7:17

Inai-nai ero' anturuki ero'Na Allata'ala, lanaassengi angkanaya pangngajarang battu kemae anjo Kupangngajaranga. Apaka pangngajarang battu ri Allata'ala yareka pangngajarang battu ri KalengKu.

1 YOHANES 2:16

Sikontu apa-apa niaka ilalang ri anne linoa, iamintu sikontu apa-apa nakaerokia sipa'-sipa' ma'rupatauna tau dorakaya, sikontu apa-apa nicinika siagang eroka nikammai, siagang sikamma apa-apa akkullea nikalompoang pa'mai' ri anne linoa, yangasenna anjo teai Allata'ala Manggea assala'na: passangalinna battu ri linoa assala'na.