PANGNGEBARANG 17:13 - KITTA' MATANGKASA'

¹³ Inai ambalasaki kabajikanga siagang kaja'dallang, takkulle tongangngai nipasulu' kaja'dallanga battu lalang ri balla'na.

PANGNGEBARANG 17:13 ပူးပေါင်းရင်းမြစ်များ

2 SAMUEL 12:10

Lanri tena numappilangngeri ri Nakke siagang lanri nuallena bainenna Uria, jari lalang tunggala' jari-jarinu tuli lania' lamate nibuno.

1 KARAENG-KARAENG 21:22

Kaluarganu la'jari sangkammai kaluargana Karaeng Yerobeam ana'na Nebat siagang sangkammai kaluargana Karaeng Baesa ana'na Ahia, lanri ikaumi a'jari passabakkang nadoraka tu Israel sa'genna napakabattu larroKu.’

PAMMUJI 35:12

KabajikanTa nabalasaki kaja'dallang; tallanga' lalang ri tappu' minasaku.

PAMMUJI 38:20

Jai siagang kassaki sikamma tau ambalianga', birisiki ke'nanga anciniki bateku attallasa'.

PANGNGEBARANG 13:21

Tau dorakaya tuli niondangi ri kacilakang, tau bajika tuli annarimai kate'neang.

MATIUS 27:25

Appiali ngasemmi anjo tau jaia angkana, “Boli'mi kamma, ikambepa siagang ana'-ana'na ikambe antanggongi hukkunganga lanri kamateanNa!”

MATIUS 27:5

Napasambilami Yudas anjo doeka antama' ri Balla'Na Batara, nampa a'lampa anggentungi kalenna.

ROMA 12:17

Punna nia' tau a'gau' ja'dala' mae ri kalennu, teako balasaki siagang kaja'dallang. Gaukangi apa nakanaya ngaseng taua baji'.

1 TESALONIKA 5:15

Jagai sollanna tena nanubalasa' kaja'dallanga siagang kaja'dallang. Usahako tuli a'gau' baji' mae ri massing para ikau, kammayatompa mae ri yangasenna taua.

1 PETRUS 3:9

Teako pasibalasaki kaja'dallanga siagang kaja'dallang, yareka kana-kana pali'bo siagang kana-kana pali'bo; mingka pappalakkangi barakka' mae ri Allata'ala; iaminjo nupa'balassang. Nasaba' iaji naNakiokko Allata'ala kaNakellaiko sollannu akkulle annarima barakka' battu ri Ia.

1 SAMUEL 19:4

Nampa nabicaramo Yonatan kabajikanna Daud mae ri Saul, angkana, “Bapa', teaki panraki anjo atanta Daud. Nasaba' tena apa-apa kasalang le'ba' nagaukang mae ri katte. Ba'lalo jai sikalimi jasana mae ri katte.

1 SAMUEL 24:17

Nampa nakanamo ri Daud, “Ikau annaba, na inakke sala.

1 SAMUEL 25:21

Anjo wattua sitabangi appikkiri' Daud angkanaya, “Sia-siaji kujagaiang barang-baranna anjo taua ri parang lompoa! Tena manna sike'de' dudu apa-apanna tappela'. Nampa kamma-kamma anne nabalasaki kabajikangku siagang kaja'dallang!