PANGNGEBARANG 16:32 - KITTA' MATANGKASA'

³² Bajikangngangi tenaya nilinta' larro, kala anna'gala' koasa; bajikangngangi nilewaia kalea, kala ammeta se're kota.

PANGNGEBARANG 16:32 ပူးပေါင်းရင်းမြစ်များ

2 KARAENG-KARAENG 5:12

Binanga Abana siagang Parpar ri Damsyik la'bi bajikangngangi na binanga manna pole kemae binanga niaka ri Israel. Akkullea' a'je'ne' anjoreng nampa a'jari bajikka'!”

PAMMUJI 103:8

Saba' mangngamaseangi na mangngarimangngi Batara, la'bu sa'bara' na alla'bi pangngamaseang.

PANGNGEBARANG 14:29

Tau cara'deka talintakai larro; tau dongoka takkulleai nalewai kalenna.

PANGNGEBARANG 15:18

Tau lintaka larro appaumbai pa'beserang, tau sa'baraka angngerangi passiamakkang.

PANGNGEBARANG 16:19

Bajikangngangi tuna pa'maika natena pa'barang-barangngang, kala amminawanga ri tau borroa nanikasia' barang-barang narampasaka ke'nanga.

PANGNGEBARANG 16:31

Tau lambusuka lanisarei umuru' la'bu; uanna sanrapangi songko' kalompoang accaya.

PANGNGEBARANG 16:33

Untu' angngassengi sarenna, ammuangi taua campalle', mingka ampattantuai kale'bakkanna, Bataraji bawang.

PANGNGEBARANG 19:11

Tau cara'deka akkullei natahang larrona. Nipuji lanri tanajampangiai kasalanna taua mae ri kalenna.

PANGNGEBARANG 25:15

Kasa'barrang nirurungangang ri kana-kana lamma akkullei napa'jari tappa' tukoasaya, siagang naancuru' sikontu angngewaya.

PANGNGEBARANG 25:28

Tau tenaya nakkulle nalewai kalenna sanrapangi kota runrunga tembo' pattahanganna.

KATO'BA 7:8

Bajikangngangi kale'bakkanna kara-karaya naia uru-uruna; bajikangngangi sa'baraka kala tinggi pa'maika.

KATO'BA 7:9

Teako linta' dudu larro; tau toloaji bawang ammoli' larro.

ROMA 12:21

Teako pa'biangi kalennu nibeta ri kaja'dallanga, passangalinna musti nubetai anjo kaja'dallanga siagang panggaukang baji'.

EFESUS 5:1

Ikau ana'-ana'Na ngasengko Allata'ala, sannaka Nakarimangnginna; lanri kammana, paralluko mannuruki ri Allata'ala.

YAKOBUS 1:19

Sikamma sari'battangku, sannaka kukarimangnginna! Parhatikangi anne baji'-baji'! Sikontu taua musti lintaki mappilangngeri, mingka tena nakkaro-karo ero' a'bicara siagang tena nalinta' larro.

PAPPICINI' 3:21

Ia ammetaya, laKupa'biangi ammempo ri empoang kala'birangKu siagang sipammempoangA' sangkamma Kalengku le'bakamo ammeta siagang kamma-kamma anne siagang ManggeKu ri empoang kala'biranNa.