PANGNGEBARANG 16:24 - KITTA' MATANGKASA'

²⁴ Kana-kana bajika sanrapangi je'ne' bani; te'nei kasia'na siagang napakkamalei tubua.

PANGNGEBARANG 16:24 ပူးပေါင်းရင်းမြစ်များ

PAMMUJI 119:103

Tamaka te'nena kana-kananTa, te'neangngangi naje'ne' bania!

PAMMUJI 19:10

Anjo manynyombaya ri Batara bajiki, nigaukang satunggu-tungguna. Anjo hukkunNa Batara tojengi, na adele' ngaseng.

PANGNGEBARANG 12:18

Bicara sambaranga akkullei nalokoki pa'maika sanrapang panno'do'na pa'danga; kana-kana cara'deka sanrapangi pa'balle appamollea.

PANGNGEBARANG 15:23

Kana-kana nipasuluka ri wattu kaminang cocoka, langngerangi karannuang.

PANGNGEBARANG 15:26

Birisiki Batara ri rancana ja'dalaka; mingka kana-kana bajika napakasannangi pa'mai'Na.

PANGNGEBARANG 17:22

Rannu pa'maika napakkamalei tubua; pa'mai' susaya annepoki sumanga'.

PANGNGEBARANG 23:16

Lompoi pa'maikku punna kulangngerekko appasulu' kana-kana annaba sikali.

PANGNGEBARANG 27:9

Sanrapang minynya'-minynyaka siagang bau'-baukanga appakasannangi pa'mai', kammaminjo kabajikanna aganga appakamalei nyawa.

PANGNGEBARANG 3:8

Anjo panggaukanga la'jari sanrapangi pa'balle mae ri kau, ia lampakabajiki batangkalennu siagang pa'mai' mailalannu.

PANGNGEBARANG 4:22

Tau ampahangai la'jari sehaki lalang tallasa'na.

KATO'BA 12:10

Nausahaimi a'boya kana-kana panynyaleori, na anjo kana-kana natulisika ma'nassa lambusuki.

KELONG MALA'BIRI' 4:11

Baji'na kana-kanannu, buntingku, sanrapang je'ne' bani siagang dadi'. Pakeannu sambauki Moncong Libanon.

YEREMIA 15:16

IKatte a'bicara ri nakke, siagang tuli kupilangngerinna bicaranTa. IKatte ampatanga', o Karaeng Allata'ala Kaminang Koasaya, lanri kammana anjo nakupakasannang siagang napakate'ne kana-kananTa.

PAOLE 32:2

Dasi-dasi narapang bosi manurung pangngajarangku, na rapang je'ne' allung mammatti' kana-kanangku, rapang bosi sarro ri tompo'na ruku'-rukuka, bosi a'ricci'-ricci' ri tompo'na lamung-lamunga.

PAPPICINI' 10:10

Kuallemi anjo gulungang ca'dia battu ri limanna nampa kukanre. Sangkammai je'ne' bani kasia'na lalang ri bawaya, mingka ri wattunna kua'lu', a'jari paiki lalang ri battanga.