PANGNGEBARANG 16:22 - KITTA' MATANGKASA'

²² Kacara'dekanga iami kabattuanna mate'nena tallasa'na tau bajika akkala'na; tau toloa nisessai ri katoloang kalenna.

PANGNGEBARANG 16:22 ပူးပေါင်းရင်းမြစ်များ

PANGNGEBARANG 10:11

Kana-kananna tau bajika lappa'niaki tallasa' mate'ne, mingka ri bokona kana-kananna tau ja'dalaka taccokkoi pa'mai' pallaka.

PANGNGEBARANG 13:14

Ajaranna tau cara'deka sanrapangi kabattuanna kate'neanga; punna nia' bala latattuju, anjo ajaranga appasalama'.

PANGNGEBARANG 14:27

Mappilangngeria ri Batara iami pappokokanna kate'neanga; siagang oloang untu' alliliangi kamateanga.

PANGNGEBARANG 15:2

Kana-kana cara'deka ampa'jari pangngassenganga angngalle pa'mai'; kana-kana tau dongoka, poro kadongokang bawang bonena.

PANGNGEBARANG 15:28

Tau bajika natangara' bajiki kana-kananna; tau ja'dalaka appasuluki kana-kana rantasaka.

PANGNGEBARANG 16:21

Tau cara'deka niassengi nibatei battu ri pikkirang taranna; angngallei pa'mai' batena a'bicara, ampa'jari nipatappa' kana-kananna.

PANGNGEBARANG 16:23

Pikkiranna tau bajika akkala'na ampa'jari cara'deki kana-kananna, siagang pila' nipatappaki ajaranna.

PANGNGEBARANG 18:4

Kana-kananna taua akkullei nakabattui kacara'dekang lantang sanrapang tamparang lompo, ci'nong sanrapang je'ne' assolong.

PANGNGEBARANG 18:7

Bicaranna tau toloa napanraki kalenna; nisikkoki ri kana-kana kalenna.

PANGNGEBARANG 3:22

nalanikatutui tallasa'nu, baji' siagang appakasannang.

MATIUS 15:14

Tea' mako jampangi anjo tu Farisia. Anjo ke'nanga sangnging pamimping-pamimping buta. Na punna tau buta ammimping tau buta, tena tatu'guru'na rua-rua naung ri solonganga.”

YOHANES 5:24

Ma'nassa kontutojengi anne kana-kanangKu: Inai-nai amparhatikangi kana-kanangKu, siagang tappaki mae ri Ia assuroA' battu, ma'nassa nagappami katallassang mannannunganga. Tenamo nalanihukkung; ta'lappasa'mi battu ri kamateanga nanagappa katallassanga.

YOHANES 6:63

Assareai katallassang rupataua iamintu RohNa Allata'ala. Tena matu-matunna kagassinganna rupataua. Kana-kana Kupabattua ri kau ngaseng iamintu kana-kana RohNa Allata'ala, assarea katallassang.

YOHANES 6:68

Nakanamo Simon Petrus ri Ia, “O Batara, inaimi lanamangei ikambe? Kana-kananTa assarei katallassang mannannungang.