PANGNGEBARANG 16:18 - KITTA' MATANGKASA'

¹⁸ Kaborroanga angngerangi kapanrakang; katampoanga angngerangi karuntungang.

PANGNGEBARANG 16:18 ပူးပေါင်းရင်းမြစ်များ

ESTER 3:5

Teaimi sipato' larrona Haman ri wattunna naasseng angkana taerokai Mordekhai assu'ju' ri ia.

ESTER 6:6

Antama'na Haman, nakanamo karaenga ri ia, “Nia' tau ero' kusare pammatei pappakala'biri' lompo. Apa musti kugaukang untu' ia?” Nakanamo ri nawa-nawanna Haman, “Inai maraeng lanisare pammatei pappakala'biri' kammaya anjo lompona ri karaenga? Mattantu inakke!”

ESTER 7:10

Kammaminjo nanigentummo Haman ri panggentungang le'baka napare' untu' anggentungi Mordekhai. Le'bappi anjo nampa naung larrona karaenga.

PANGNGEBARANG 11:2

Tau borroa lanihinai; tau tuna pa'maika cara'deki.

PANGNGEBARANG 17:19

Tau mangngaia ri dosa, nangai a'besere'. Tau lompo bicaraya, a'boyai kapanrakang.

PANGNGEBARANG 18:12

Tau tampoa latu'guruki, tau tuna pa'maika lanipakalompoi.

PANGNGEBARANG 29:23

Tau tampoa lanipakatunai; tau tuna pa'maika lanipuji.

PANGNGEBARANG 8:13

Punna nipakala'biri' Batara, battuanna nikabirisi kaja'dallanga; takungaiyai kaborroanga siagang katampoanga. Kukabirisi gau'-gau' ja'dalaka siagang kana-kana annipua.

YESAYA 37:38

Ri se'reang allo, ri wattunna sitabang nagaukang ibadana lalang ri balla' rewata Nisrokh, nibunomi siagang pa'dang ri Adramelekh siagang Sarezer, rua ana' bura'ne kalenna. Le'baki anjo larimi ke'nanga mange ri Ararat. Jari nisambeammi a'jari karaeng ri ana' bura'nena maraenga, niarenga Esarhadon.

YEREMIA 49:16

Lanitipuko ri katampoannu. Tena lamalla' ri kau kamma nukapanga. Ammantangko ri alla'-alla'na batua, bella ri coppo'na monconga. Mingka, manna pole nupare' balla'nu ri tampa' tinggi dudua, sangkamma tinggina ru'munna jangang-jangang rajawalia, mingka laNapanaungko Batara battu anjoreng. Batara ampaui yangasenna anjo.”

YEREMIA 50:32

Anjo bansanu tinggi langgaya latatto'roi na tu'guru'. Tena manna sitau lantulungko ampabangungko. Kota-kotanu laKutunui, siagang sikontu apa niaka ri tammulilina laKuancuruki.”

YEHEZKIEL 28:17

Tanja'nu gammaraka angngerangko mae ri tampoa siagang anjo masahoro'nu a'jari saba' nuppanggaukang tolo. Lanri kammana anjo, Kupatappasakko naung ri buttaya siagang Kupa'jariko pappakainga' mae ri karaeng-karaeng maraenga.’ ”

YEHEZKIEL 29:9

Mesir la'jari butta sino. Jari nuassemmi angkanaya iNakke Batara.” Nakana Batara, “He karaeng Mesir! Lanri nukanana angkanaya anjo Binanga Nil ikau pata, siagang angkanaya ikau ampareki,

DANIEL 11:12

Nampa la'jari tampomo lanri ammetana siagang lanri jaina musu nabuno; mingka tena natulusu' lakoasa.

DANIEL 5:22

Mingka ana'na, iamintu kalenna karaengku, taerokai ampakatunai kalenna, manna pole nakiasseng ngasenja anjo sikammaya.

DANIEL 5:24

Iaminjo saba'na naNapabattu Allata'ala anjo limaya untu' antulisiki pasanNa mae ri katte.

MATIUS 26:74

Assumpa-sumpa tojemmi Petrus nakana, “Matea' naung, tena tojeng nakuassengi anjo taua!” Anjo wattua attingkokomi janganga.

LUKAS 14:9

Na punna battu anjo taua tarpassa lanasuro mako patanna pa'gaukang a'lette' ammempo nakana, ‘Kipammopporang mama' naki'lette' ammempo, nasaba' anne kaderaya le'ba'mi nipasadiang anjo toana beru battua.’ Jari tarpassa lasiri'-siri' mako, nampa a'lettekko mange ri pammempoang ri boko dudua.

ROMA 11:20

Anjo kammatojengi. Mingka nanipela' ke'nanga lanri tenana natappa' ke'nanga, naikau nitarimako lanri tappa'nu. Jari lanri kammana, teako a'jari tampoi; passangalinna musti mallakko.

1 TIMOTIUS 3:6

Se'rea pamimping jama'ah takkulleai tau beru antamaya Karisteng, nasaba' gassingka a'jari tampoi nanggappa pangngalarroi sangkamma Billisika riolo.

HAKING-HAKING 11:28

Mingka tena najampangi karaeng Amon anjo pappasanna Yefta.

1 SAMUEL 17:42

Mingka nacini'na Daud nampa naparhatikang, ammakkala'mi Goliat ancau-caui Daud lanri rungka iji na ga'ga nacini'.