PANGNGEBARANG 16:17 - KITTA' MATANGKASA'

¹⁷ Tau bajika napakabellai kalenna battu ri kaja'dallanga; tau amparhatikangai batena attallasa', najagai kalenna.

PANGNGEBARANG 16:17 ပူးပေါင်းရင်းမြစ်များ

AYUB 1:1

Ri butta Us, nia' sitau bura'ne ammantang, niareng Ayub. Anynyombai siagang majarreki tappa'na mae ri Allata'ala. Baji' akkalaki siagang tena na'gau' kodi manna sike'de'.

PANGNGEBARANG 10:9

Tau lambusuka, amangi tallasa'na; tau annipua lakaassengangi.

PANGNGEBARANG 19:16

Tau mannurukia ri sikamma parentaNa Allata'ala lasalamaki, tau tenaya naanggaraki lamatei.

PANGNGEBARANG 21:23

Sollanna nililiang kasukkaranga, parallui tutu taua ri kana-kana.

PANGNGEBARANG 22:5

Sikkoka siagang tadoka niaki ri oloanna tau jekkonga, liliang ngasengi anjo sikammaya, punna erokko salama'.

PANGNGEBARANG 4:23

Katutui bajiki atinnu, nasaba' atinnu ampattantui oloang tallasa'nu.

YESAYA 35:8

Anjoreng lania' agang lompo, “Oloang mangea ri kasalamakkang” arenna. Tau dorakaya talammaloai anjoreng, tau toloa talanapa'linguai tau angngoloa anjoreng.

MATIUS 24:13

Mingka inai-nai attahang sa'genna kala'busang tallasa'na, iami lanipasalama'.

LAMPA-LAMPANA 10:35

Inai-nai malla' ri Allata'ala siagang anggaukangi kabajikanga, iami nitarima ri Allata'ala, manna pole bansa apa.

LAMPA-LAMPANA 24:16

Iaminjo saba'na natuli kuusahai baji'-baji', sollanna tangkasa' atingku mae ri Allata'ala siagang tangkasa' mae ri parangku rupatau.

IBRANI 10:39

Ikatte anne teaiki' umma' ammono'bokoa siagang sala oloanga. Mingka ikatte umma' matappakki' mae ri Allata'ala siagang nipasalamaka ri Allata'ala.

YUDAS 1:21

siagang tuli a'la'lang mako irawangang pangngamaseanNa Allata'ala, lalang nutayanna passareNa Batarata Isa Almasi, Ia lassareako katallassang sitojennaya siagang mannannunganga.

YUDAS 1:24

Allata'ala, Makoasaya anjagaiko sollanna tena nutu'guru' siagang Makoasaya angngerangko mae ri dallekang mala'biri'Na siagang rannu kammayatompa tena callannu,

PAPPICINI' 3:10

Lanri nuturukimi apa Kuparentakanga mae ri kau, iamintu Kukellaiko tamalanrea, laKujagai mako ri kasusaang lantujuai sallang sikontu linoa. Lakajariangi anjo sikammaya, untu' a'jari paccoba mae ri sikontu rupataua ri lino.